بما ان باب التقديم فتح لمنحة الـ ITI 9 Month Diploma
حابب اشاركم تجربتى فى ITI انا احمد عبد العال خريج Intake 38 – Motion Graphics & Compositing
ليه ITI ؟
- ITI من الاماكن العظيمة اللى مش هتلاقى زيها فى مصر كتير وده مش كلامى انا بس ده كلام معظم الناس اللى اتخرجت من المكان والناس اللى بتدرس فى المكان .. لانه مش بس كورسات ومعلومات ده بيبنى شخصيات قادرة انها تقود فى كل المجالات المتعلقه بالتكنولوجيا والإدارة ..
خلاصة تجربتى فى ITI ؟
- على المستوى الشخصى قابلت ناس من احسن الشخصيات اللى قبلتهم فى حياتى على كل المستويات سواء الناس اللى درستلى او صحابى او المسئولين فى المكان .. على المستوى العلمى اخدت كل الكورسات اللى بحلم بيها فى كل التخصصات فى مجالى واتخصصت فى اكتر حاجه بحبها .. كانت فترة من احسن الفترات فى حياتى لان مستوايا وصل لمستوى السوق وبقيت قادر من اول يوم ليا فى الشغل انى اتعامل واخد شغل ..
الاستفاده من ITI ؟
- كورسات ممكن متلاقيهاش فى اى مكان ..
- الناس اللى هتدرسلك هى افضل ناس موجوده فى سوق العمل ..
- شخصيتك هتختلف وهتتطور فى كافة المستويات ..
- معارف وعلاقتك هتفيدك جدا فى سوق العمل ..
- مستواك هيقرب جدا لمستوى السوق ..
فى الاخر سواء اتقبلت او لا .. كل حاجه معتمده عليك انت .. انت اللى بأيدك توصل للمكان اللى انت عاوزه او لا .. اجتهد وسيب الباقى على ربنا ..
الموقع الرسمى للمنحة : http://www.iti.gov.eg/
