سلسلة افلام وثائقية هتفيدك وقت فراغك

ليه تقعد فاضي وتحس بالملل وأنت عندك اختراع اسمه الأفلام الوثائقية؟ دايمًا لما كنت أحس بالزهق أدخل أشوف فيلم وثائقي لدرجة إني شوفت عدد كبير جدًا من الوثائقيات أفادوني بمعلومات مكنتش هوصلها بسهولة. 
ومع ذلك في 3 سلاسل وثائقية أنا شايف إن أي حد مهما كان مجاله أو دراسته مفروض يشوفهم لأنهم بيحكوا عننا إحنا وعن كياننا، عن رحلة البشر في الحياة، إزاي وصلنا وبقينا كده، إزاي عرفنا الزراعة والصناعة والطب وباقي مجالات الحياة. 
السلسلة الأولى هيا قصة العالم لأندرو مار. 
بيحكي فيها عن الإنسان الأول وقصة الحضارة البشرية، والأديان والتجارة وتطورها والثورات والعنف اللي حصلوا في القرون الوسطى، لحد ما يوصل لثورة الصناعة واختراع الآلة. ملخص سريع لحياة البشر على الكرة الأرضية. 
ده لينك للمشاهدة والتحميل باللغة العربية: http://bit.ly/2IFdJqu
.
السلسلة التانية هيا رحلة البشرية المذهلة: سلسلة ممتعة بتاخدنا فيها دكتورة أليس روبرتس في رحلة لصحراء إفريقيا، وبتعرض أقدم جمجمة لإنسان عُثر عليها من 200 ألف سنة، وبتزور كل قارات العالم، وتبحث عن أصل الإنسان. وليه الصينيين شبه بعض وإزاي انتشرنا كفي العالم بالتنوع ده. 
لينك للتحميل والمشاهدة: http://bit.ly/2KAPNWX
.
السلسلة التالتة هيا البشرية قصتنا جميعًا: باختصار شديد وبدون أي تعريف، دي أفضل سلسلة وثائقية شوفتها في حياتي، والحلقة رقم 5 منها والخاصة بمرض الطاعون هيا أفضل حلقة شوفتها في أي وثائقي قبل كده. 
لينك للتحميل والمشاهدة: http://bit.ly/2Nav6mx