× ×

بالخطوات ازاى تتعلم اونلاين بطريقة سهلة وبسيطة


كونك شخص عديت على مرحلة الكورونا وفي ٢٠٢٠ ... ولسه مبتعرفش تتعلم أونلاين فأنت عندك مشكلة ومحتاج تحلها
خلونا الاول نفهم يعني ايه( التعلم عن بعد) الاونلاين
بمنتهى البساطة هو ان (المتعلم ) قاعد في اي مكان ف العالم
يبدأ يتعلم مهارة جديدة عن طريق مواقع (التعلم عن بعد) او فيديوهات على اليوتيوب (سواء عربية او انجليزية أو إلخ...)
التعليم عن بعد ممكن يتم بطريقتين :
١- اما انك بتدخل تسجل ف اي موقع للتعليم عن بعد وبتبدأ تتفرج على فيديوهات مسجلة و تقدر تتواصل مع المحاضر عن طريق الايميل مثلا او اي وسيلة تانية لو عندك استفسار.
٢- اما انك بتختار مهارة معينة حابب تتعلمها وبعدين تختار محاضر تقدر تفهم وتستوعب منه والميزة هنا انك بتقدر تتفاعل مع المحاضر بشكل مباشر لان المحاضرة بتكون اونلاين لايف مش مسجلة واغلب المحاضرات من النوع دة بتتم على برامج زي zoom- Google meeting
النوعين كويسين جدا وليهم مميزتهم المهم انت ايه بيريحك ف التعلم
مميزات او ايجابيات التعليم الاونلاين :
١-توفر مادة علمية وفيرة في كافة المجالات
٢- توفر اغلب المجالات لتعلمها بأسعار منخفضة أو مجانا
٣-توفر اغلب المجالات بلغات مختلفة فادة هيخيلك كشخص تاخد خبرات مختلفة وهينمي عندك اللغة كمان..
٤-تقدر تتعلم اي حاجة ف اي وقت
٥- تقدر تتعلم من اي مكان بشرط يكون عند نت كويس
تحديات التعليم الاونلاين :
١-ناس كتير واخدة فكرة مسبقة عن التعلم عن بعد(الاونلاين) انه مش بيديك نفس كفاءة الكورس الاوفلاين ، والحقيقة الموضوع نقدر نقول انه نسبي بيختلف من شخص لاخر.. يعني فيه شخص بيقدر يطلع نتيجة من الكورس الاونلاين اكبر من انه لو اتعلم الكورس اوفلاين...
٢-من ضمن الخدع اللي بنخدع بيها نفسنا ..اننا بنقعد نقول اننا مبنعرفش نتعلم اونلاين !
السؤال هنا هل انت جربت ؟ والتجربة هنا مش معناها انك روحت فتحت فيديو على اليوتيوب وبعدين مفهمتش حاجة فاقفلته ، تجربة التعلم الاونلاين ليها قوانين واسس عشان تقدر تستفيد من عملية التعليم بشكل فعال... (مهارات التعلم الاونلاين)
٣- حماس البدايات، انت كشخص بتتعلم اونلاين تقوم تبدأ ف كورس وقبل ماتخلصه تروح داخل ف اللي بعده وهكذا فاتلاقي عندك كم من الكورسات التي لا حصر لها، الصح انك تحدد ف خطتك الشهرية انت عاوز تتعلم ايه وعلى اساسها تبدأ في الكورس ولما تخلصه تبدأ ف كورس جديد.
٤- الملل ،احيانا كونك في بعض الاوقات مش بتتفاعل مع زملاء دراسة او المحاضر ودة ممكن تتخلص منه انك تشوف حد من اصحابك يشاركك عمليه التعلم او تشترك ف النوع التاني من انواع التعلم الاونلاين اللي اتكلمنا عليه فوق (التعلم الاونلاين الايف)
٥-اغلب اللي بيدأ الكورس مش بيقدر يخلصه للاخر ودة لانك محتاج ف الاول تحدد هدفك من تعلم الكورس ، عشان دة هيكون الدافع ليك لما تحس بملل احيانا
ايه المهارات اللي هتساعدك ف التعلم الاونلاين :
١- هتحتاج تصبر على نفسك في مرحلة التعلم وخصوصا التعلم الاونلاين لان بيكون فيها اوقات كتير بتحس بملل
٢-اتعلم مهارة ال ٢٠ ساعة (عشان تقدر تتعلم مهارات كتير بشكل بسيط ومنظم) شوفوا الفيديو من اللينك دة

٣-اتفرج على كورس تعلم كيف تتعلم على موقع رواق ، هيفهمك بشكل اساسي ازاي تتعلم والاخطاء اللي ممكن تقع فيها اثناء عمليه التعلم

ولو معندكش وقت وعاوز تتفرج على ملخصه شوفوا من هنا

٤- اختار مجال تتخصص فيه ، وعشان تعرف اكتر عن المجال بتاعك وايه الكورسات اللي محتاج تتعلمها فيه
ادخل على الموقع دة Learn How To Become وابحث بالتخصص اللي حابب تعرف عنه اكتر

واخيرا بعض مواقع التعلم عن بعد المجانية وبعضها مدفوع
-Coursera
تكملة القراءة

أفضل قنوات التليجرام لمختلف المجالات
قنوات تساعدك بكل سهولة على الوصول للمصادر التعليمية و الوظائف و النصائح المهنية و المنح الدراسية

اشترك الآن مجانا
اقرأ ايضا
كورسات ومصادر ومواقع كتير لتعلم الرسم بانواعه