15 قناة علمية علي اليوتيوب للاطفال
(و تنفع للكبار برضو وخصوصًا اللي بيتعلموا إنجليزي) ..
اولًا .. العلوم بشكل عام:
1. AsapScience
القناة دي بتستخدم اسلوب الرسم عشان تشرح اي حاجة من الناحية العلمية، الحجات اللي بيتكلموا عنها هي اكتر الاسئلة اللي الناس بتسألها .. او حجات عمرك ما فكرت فيها حتي زي ودانك عندها كام سنة؟
هل الالعاب بتخليك اذكي؟ هل الخوف ممكن يقتلك؟ وغيرهم.
اللينك: https://goo.gl/d0YCIM
2. BrainCraft
القناة دي بتشرح -من الناحية النفسية والعصبية- إحنا ليه بنتصرف بالطريقة اللي بنتصرف بيها
هتلاقي مواضيع زي : إزاي الافلام بتتحكم في مخنا؟ إزاي التمارين بتقوّي الذاكرة بتاعتنا؟
اللينك: https://goo.gl/L9AbJq
3. SciShow
قناة فيها مواضيع مُختلفة زي اخبار عن العلوم، توك شو عن العلوم، اسئلة واجوبة.
اللينك: https://goo.gl/1Kn3v1
4. Best of Science
القناة دي بقي هتلاقي فيها فروع العلوم كلها: فيزياء، كيمياء، احياء، فضاء..الخ.
اللينك: https://goo.gl/tVRSTb
5. Bill Nye
يمكن القناة دي بقالها حوالي 6 سنين مش بتنزل فيديوهات جديدة، لكن فيها كميّة فيديوهات تكفي
والراجل دمه خفيف ^^
اللينك: https://goo.gl/yGa5pE
6. SpanglerScienceTV
اللينك: https://goo.gl/ckj2e6
7. ScienceBob
اللينك: https://goo.gl/GhYPhb
القناتين دول
فيهم تجارب علميّة، بس خد بالك عشان مش كلهم ممكن تجربهم في البيت :))
8. National Geographic
تقريبًا كده محدش فينا ميعرفهاش، زي ما بتعمل مجلة وعندها قناة ع التلفزيون .. ليها قناة ع اليوتيوب كمان
بتجيب كل انواع الفيديوهات اللي ليها علاقة بالعلوم من قريب او بعيد
الشعار بتاعهم:
Inspiring people to care about the planet
اللينك: https://goo.gl/DH7m7B
9. Fizzics Education
دي منظمة للتوعية بخصوص مجالات العلوم في استراليا ، وبينزلوا كل الانشطة بتاعتهم علي قناتهم علي اليوتيوب
اللينك: https://goo.gl/IAjEg0
10. DNews
قناة خاصة بالعلوم وأخر اخبارها، فيها فيدوهات مش مناسبة للاطفال ، بس في برضو فيديوهات حلوة ليهم.
اللينك: https://goo.gl/ZrX0ny
⬅
ثانيًا.. العلوم المُتخصصة:
11. Minute Physics
بيستخدم اسلوب الرسم في الشرح برضو، لكن بيتكلم عن الفيزيا بشكل خاص، هتلاقي مواضيع زي: يعني ايه جاذبية؟ ايه الاحسن نمشي ولا نجري في المطر
الطيارة مصنوعة ازاي؟ ..
12.Minute Earth
اللي عاملها هو نفس اللي عامل قناة Minute Physics
بس كل المواضيع اللي هنا عن كوكب الارض. المية اللي علي الارض جت منين؟ ليه كل الرمل شبه بعض؟
اللينك: https://goo.gl/ZSQwEM
13. Periodic Videos
كيمياء وبس
هتلاقي فيديوهات عن كل عنصر من عناصر الجدول الدوري .. وفيديوهات تانية بتنزل كلها في عالم الكيمياء ^^
اللينك: https://goo.gl/KBtJzU
14. LabofOrnithology
القناة دي خاصة بعلم الطيور، واللي عاملها مركز البحوث بتاع جامعة كورنيل في New York.
اللينك: https://goo.gl/RMVKlT
15. NASA
كل شئ يخص الفضاء
تكملة القراءة
![كورس [معتمد] في تعليم اللغة الانجليزية للاطفال | إصدار شهادة الدورة التدريبية مجانا](https://www.m3aarf.com/storage/images/712919656-H_0.54162900 "كورس [معتمد] في تعليم اللغة الانجليزية للاطفال | إصدار شهادة الدورة التدريبية مجانا")
