أفضل منحة مقدمة من وزارة الاتصالات وتكنولوجيا المعلومات-مصر
المنحة اسمها FWD
منحة Egypt Fwd هي إحدى المبادرات الاستراتيجية لوزارة الاتصالات وتكنولوجيا المعلومات وتقدمها من خلال هيئة تنمية صناعة تكنولوجيا المعلومات "ايتيدا" بالتعاون مع شركة "يوداسيتي" لتحقيق رؤية مصر
الرقمية وبناء قدرات الإنسان المصري.
منحة Fwd هي منحة دراسية مدتها 18 شهرا ومسارات برنامجها
فيها 3 تخصصات و كل تخصص متقسم لمستوى مبتدأ و متوسط و متقدم ال 3 تخصصات هما
1- web
2- data analysis
3- digital marketing
المجالات دي فيها فرص كتير و لو ماكنش فيها فرص ماكنتش وزارة حكومية اتجهت انها تعملها و تقدمها للناس و مش مطلوب منك غير انجليزي متوسط و انترنت
وديه شويه نصايح مهمة جدا هتفيدك فى المنحة
1- شوف مين بيحاضر في المنحة دي و ضيفه على السوشال ميديا و حاول تتعرف عليه
2- كل انجاز تعمله بسيط فيها شيره على السوشال ميديا و دعمه بوجهة نظر منك و عرف الناس انك بتعمل حاجة معينة .. اعمل شو يعني
3- حط المنحة دي اول حاجة في ال CV لو بتقدم في شركات يهمها انك تبقى مؤهل من جامعة او حكومة مصرية
4- لو هتقدم في شركات مش بتهتم بدا .. حط عناوين المنحة و اللي اتعلمته متهمتش باسم المنحة نفسه و خلاص على كدا
5- لو سنك كبير او صغير مش مهم . ابدأ
6- اللي تدرسه في المنحة خد عناوينه و سرش بيها على جوجل و اتعلم اكتر و هيطلعلك كورسات تانية اجنبية
7- قدم على فرص شغل و قولهم ممكن اشتغل ببلاش (لو طالبين خبرة)
8- اعمل فكرة خاصة بيك و طبق فيها اللي بتتعلمه حتى لو هتدفع من جيبك عشان تتعلم
9- متدخلش تجرب كل التراكات في المنحة .. ركز في حاجة واحدة عشان تعرف تخلصها بتركيز و لو مش عارف تختار دا معناه ان انت ابيييض .. فخد وقتك شوية في انك تقرر وفقاً لميولك و مهاراتك انت ممكن تعرف تعمل ايه
و انا برشحلك التسويق كأسهل باب ممكن تفتحه
10- حط في دماغك ان دايما في فرص بس موجودة في دواير اوسع بكتير من دماغك
تكملة القراءة
