1- كل لحظة هتقضيها مع شخص عظيم هتخليك تندم على كل يوم ضيعته مع شخص تافه،
اختار رفقاء الرحلة بدقة شديدة لأنك هتكون زيهم غصب عنك
2. النجاح في الحياة مش انك تشتغل 24 ساعة على حلمك ولكن انك توازن بين الشغل
والراحة لان وقت الراحة هو أروع وقت هتنتج فيه أفكار وابداعات هتوصلك بسرعة
. سرعة زوال المشاعر الإيجابية اكبر بمراحل من سرعة زوال المشاعر السلبية يعني لحظات الفرح والانتصار بتخلص بسرعة جدا الخلاصة:
أوووعـى تربط سعادتك بلحظة تحقيق حلمك لأنها لحظة سريعة جدا والصح انك تربط سعادتك بكل لحظة بتعيشها ومن دلوقتى
4. إذا كنت أفضل واحد في شلتك ضيف عليها ناس جديدة اقوى واكتر ايجابية هتكونوا أصحاب عقول وأراء أفضل وأقوى
5. اوووعـى تكون فاكر ان أصل أصل الحياة تكون تعيس ومكتئب وحزين لا الحياة هى انك تكون مبسوط وسعيد ومستمتع طول يومك ان العكس يبقى لسه مفهمتش الحياة المفروض تتعاش ازاى
6. فشلك عمره ما يقدر يسجنك لأنه ماعندوش أي دليل ضدك أما خوفك منه هو سجنك الوحيد
7. الناقدين والكارهين هما ناس نفسهم يكونوا زيك بس مش عارفين فـ بدلا ما يطوروا نفسهم ويسعـوا يكونوا أفضل بيطلعوا طاقتهم في محاربتك بالنقد احسن إليهم وسامحهم لأنها عقبة حياتهم مش عقبتك
8. كل ما هتحقق حلم هتطمح لاضعافه خلى الأصل في رغباتك الإتساع والإزدياد طالما حلمك له منفعه للكل وده يخليك متتعلقش بحلم او هدف معين بس اتعلق بالرسالة والرحلة والنية الخالصة لله
9. اوووعـى تبالغ في التعبير وتقول انك اتغيرت 360 درجة لان ده معناه انك لم تتغير اصلا وافتكر ان دايما المبالغة في أى شيء مالهاش معنى وقل " اللـهم زدنـى علماً "
10. نادرا ما هتلاقي حد عنده حرقة وحماس الحلم اللي عندك فـ اختار شركاء حلمك بعناية لو مش بيولع قدامك من الحماس اعرف ان هدفه غير هدفك لان اللى عنده هدف بيسعــى لتحقيقـه بجديـة
11. طالما صحيت من النوم النهاردة يبقى لسه ربنا عايزك تعمل شيء مفيد لنفسك ولـ غيرك وكمان لـ آخرتك استفيد من يومك وقضيه سعــى وافتكر ان مفيش منك أمل مكنش ربنا رد فيك الروح من تانى
12. اسعـى اسعـى اسعـى لآنك بكـره تلعب تلعب تلعب وفرحتك تنور دنيتك وآخرتك
13. كل ما هتكون صعب على نفسك .. الحياة هتكون سهلة عليك .. وكل ما هتكون سهل على نفسك .. الحياة هتكون صعبة عليك.
14. خليك عاقل ومتزن في كل شيء في حياتك...إلا تطوير نفسك...خليك مجنون وجعان وذو شراهة واسعـــى للعلم...وستحصل على عشر أضعاف مجهودك ووقتك وفلوسك وانشـر علمك حواليك
15. مش معنى ان شخص سلك طريق ونجح فيه انك تسلك نفس الطريق عشان تنجح زيه لأ دور على طريقك بنفسك وخلى طريقك زي بصمة صوابعك فريد لم ولن يتكرر.
16. اسمع رأي الناس فيك..خد الإيجابي منه .. واعمل mute للسلبي المحبط منه وحوله لـ نقد بناء وأقوى وكون أحســن لان بإصرارك على النجاح والتميز تحقق هدفك وتوصل للى انت عايزه
17. عندما تتآمر كل معادلات الأرض ضدك في طريق أحلامك تذكر أن معادلات السماء لها حسابات أخرى واوووعـى تقصر مع ربك وحافظ على صلاتك بأوقاتها
18. لطلبة الجامعات: خصص يومين بالكتير للمذاكرة خلال الأسبوع .. وبقية الأيام قضيها في تطوير نفسك بالتدريب والاحتكاك والأنشطة الجديدة .. هو ده اللي هيصنع مستقبك ... واوووعــى تقصر فى شهادتك لان ممكن تحتاجها لم تحب تكمل دراستك بره وافتكر ان المكان المميز بيختار المميز وبدقة
19. أحسن الظن بالناس في جميع الأحوال..لانك أول واحد هترتاح.
20. وأخيرا...أنجح وأسعد ناس في الحياة هما اللى إتعلموا من تجاربهم وموقفهمش اى فشل بالعكس حولوا لـ نجاح فـ كبر نجاحهم
أنصح غيرك وساعده على التغيير وبالتوفيق للجميع ونفعكم الله ونفع بكم
تكملة القراءة
