جمعتلك قنوات على يوتويب في مجالات مختلفة، أنا شخصيا متابعهم وبستفيد منهم كل يوم، اشترك فيهم.
تعليم البرمجة:
1. ProgrammingKnowledge
هتلاقي في القناة دي مجموعة كبيرة من الفيديوهات موجهة للمبتدئين، Android وJAVA وPython وC++ وأفضل كورس C ممكن تلاقي في أي حتة.
2. Learncode.academy
أحلى حاجة في القناة دي إنها فيها Study Path، يعنى تقدر تبتدي في لغة وتكملها للآخر. مفيدة للناس اللي مش عارفة تحدد تبدأ إزاي.
3. Derek Banas
ديريك متخصص في التعلم السريع، هتلاقي في القناة Playlists من نوع اتعلم "كذا" في فيديو واحد مثلا. مفيدة للناس اللي عايزين يبدؤوا بسرعة ويحسوا انهم بينتجوا.
الـ Digital Marketing
1. MOZ
قناة متخصصة في الـ SEO وهتلاقي فيها فيديوهات لـ Rand Fishkin ودي حاجة زي الفل لو تعلمون.
2. Backlinko
مرة كمان، قناة للـ SEO والـ link building والـ strategies من معلم الـ Backlink، Brian Dean.
3. Unbounce
اتعلم أكتر عن الـLanding Pages والـ conversion rate optimization وحتى الـ effective copywriting for conversion.
الـ Big Data
1. Analytics Mantra
فيديوهات Data Analysis و Machine Learning.. فيديوهات زي الفل الحقيقة.
2. Cognitive Class
قناة من IBM نفسها، بتغطي الـBig Data والـ Data Analysis والـ Machine Learning.
3. Dan Van Boxel
أهم حاجة التبسيط (عشان كده بحاول أبسط كل حاجة في بوستاتي وفيديوهاتي) و الحقيقة Dan Is fun to watch ، هو بقاله سنة تقريبا معملش فيديوهات بس المحتوى الموجود هينفعكوا جدا.
————————————
STEAM
المصطلح بيشير لطريقة دراسة بتقوم على دمج 5 مجالات معرفية في منهج واحد بهدف ربط التعليم بالحياة من حوالينا، بس الحروف دي بترمز لإيه؟ بترمز للمجالات الخمسة اللي هما:
S Science
T Technology
E Engineering
A Arts
M Math
- المهم عمرك قولت لنفسك أنا عايز أعمل Bluetooth Speaker؟ أو أعمل عربية بالريموت مثلا؟
طيب قناة Make: هتعلمك وتربط الخمس حاجات اللي قولتهم فوق دول بكل حاجة في حياتك وحواليك وهتعلمك كتير قوي.
- الجرافيك ديزاين من رأي حاجة لازم كل الناس يتعلموها، مش عارف أنا بس اللي مبحس بالوقت وأنا بنفذ فكرة أو أنا بس اللي ببقى مبسوط جدا بعد ما تخلص وأنسى عيني اللي ورمت بس ع الأقل خدوا فكرة وخلوا خيالكوا يبقى حقيقة قدامكوا، وقناة Swerve Tutorials هتساعدكوا تبدؤوا وتتشجعوا.
- اللي متابعين من زمان عارفين حبي للبرمجة وإني شايف إن "الأمية" الجاية هتكون "أمية برمجة"، زي ما فيه "أمية كومبيوتر" دلوقتي، قناة Code.org مهمتها بقى "محو الأمية" دي، يمكن مش القناة الوحيدة بس عجبتني.
- الرياضيات "أصل الأشياء" و Everything in the Universe Is Made of Math – Including You، بس طبعا اللي مبيحبوهاش "زي كده" بيقلبوا يونس شلبي وهما بيقروا نظرية ولا حتى يشوفوا مسألة
وعشان أنا مؤمن بالتبسيط في تعليم أي علم، شايف إن قناة MashUp Math بتساعد بجد في تبسيط "تعليم الرياضيات"
- من الحوسبة الكمية للجاذبية ويعني إيه كهرباء وحاجات كتير قوي هتتعملها في قناة Veritasium.
الحاجات دي وخصوصاً STEAM مش ليكوا بس، دي لولادكوا كمان. كبروهم عندهم معرفة وحب ليها، كبروهم وربوهم ع العلم متستقلوش ومتستهيفوش ومتقللوش من قدراتهم، ساعدوهم يلحقوا الزمن اللي إحنا فيها... كفاية الأكبر منهم متأخرين.
by
