لما حد بيسالنى أفضل كورسات اون لاين ؟
ابدا بكورس ايه اون لاين ؟ او ايه افضل الكورسات اللى اتعلمها اون لاين ؟
المفروض اساله عن مجاله و اقوله اسال مختصيين فى مجالك يرشحولك افضل الكورسات , ولكن انا عندى اجابة مختلفة قبل ما اقول الجملتين اللى فاتو دول , و هما كورسين أساسيين لكل فرد فى العالم ايا كان مجاله .
1/ كورس " Learning How To Learn " من على منصه " Coursera "
و ده كورس مصنف من افضل الكورسات الاونلاين فى العالم, تجاوز عدد طلابه حاجز المليون ونص طالب من جميع انحاء العالم!
لان من اسمه كده بيعلمك ازاى تتعلم بشكل صحيح بنصائح وخطوات عملية , ازاى عقلك بيشتغل , ازاى تتعامل مع التسويف او التاجيل , ازاى تفهم طرق التفكير , ازاى تفهم وتحفظ وتتعمق فى اى علم وكنوز تانى كتيير.
لازم تحجز فيه وتدرسه بتركييز جدا مهما كان مجالك او تخصصك او الحاجة اللى بتحاول تتعلمها !
وده لينك الكورس: https://goo.gl/brJ0qN
هتقولى عندى مشكله مع الانجليزى , هقولك الكورس مترجم عربى ابسط ياعم. وخطوات الترجمة مشروحة فى الصورة دى.
الكورس التانى بقى هو ابن عم الكورس ده و اخوه الصغير وبيكملو بعض بس لازم تبدا بالكورس الاول وبعدين تدخل على الكورس ده !
2/ كورس "Mindshift: Break Through Obstacles to Learning and Discover Your Hidden Potential"
هيعلمك ازاى تتغلب على عوائق التعلم و ازاى تتميز فى مجالك جدا وتكتشف قدراتك كلها و ازاى تستخدمها صح ايا كان سنك او مجالك.
و ده لينك الكورس: https://goo.gl/e8zsAi
هتقابلكم مشكله وهى ان الكورسات دى بفلوس , بس احنا مصريين ومفيش حاجه بتقف معانا .
تقدر تحصل على كل الكورسات مجانا من غير الدعم المالى كمان من هنا
كورسيرا عملت حاجه اسمها الدعم المالى وده معمول للطلبه الغلابه ال زي حالتنا كده بتقدم عليه وبتاخد الكورسات والشهاده ببلاش.
طب نعمل ده ازاى هتلاقو الخطوات كلها فى المقاله دى: كيف تحصل على الدعم المالى بشهادات معتمدة من موقع كورسيرا.
او شوف الفيديو على قناتنا على اليوتيوب "كيف تحصل على الدعم المالى بشهادات معتمدة من موقع كورسيرا".
قبل ما انسى هتاخد الشهادات دى معتمدة من جامعة McMaster University فى كندا.
وانت قاعد فى بيتك لو اخدت الكورسين دول تقدر بعدها تدرس اى حاجه فى الدنيا وانت مطمن وهتكون مميز عن ناس كتييير جدا , دول هما الاساس و الخطوه الاولى منشن وشير لصحابكم و اتعلمو مع بعض.
