طبعاااا كتير مننا نفسه يحصل على منحة
إحنا هنساعدك على ده إن شاء الله....
من الحجات المهمة اللي لازم تعملها علشان تحصل على منحة، إنك تقدم مجموعة أوراق تبينلهم إنك مستوفي شروط المنحة دي علشان تزود من فرص قبولك فيها.
فأنا حبيت أجمع كل الأوراق اللي هتحتاجها وأنت بتقدم على أي منحة، ونماذج ليها علشان ناس كتير بتسأل عليها.
.
1- خطابات التوصية.
عبارة عن جواب بيتكتب من دكتور أو اتنين عندك في الكلية بيبين فيه إنك مستحق للمنحة دي وبيرشحك ليها، ناس كتير بتطنش الخطوة دي رغم إنها مهمة جدا، ولو مش في كلية، ممكن مدرس الثانوي هو اللي يكتب الخطاب.
هنا طريقة كتايبة الخطاب باحترافية ومعاه نماذج ليه: https://goo.gl/M9syMM
.
2- الأيلتس أو التوفل.
اختبار اللغة الإنجليزية الشهير الأيلتس ليه دور كبير جدا في قبولك في المنحة، لأنه بيبينلهم وبكل وضوح إنك شخص قادر تتواصل وتدرس باللغة الإنجليزية في المكان اللي هتروح فيه. الاختبار مش صعب ومش مستحيل، هنا كل الخطوات اللي تقدر تحصل بيها على الأيلتس في 3 شهور والداتا اللي هتحتاجها علشان تذاكرله: https://goo.gl/e87Fgy
.
3- شهادات التقدير.
احتفظ بأي شهادة تقدير حصلت عليها طوال الدراسة أو في أي مجال بعيد عن الدراسة زي الرياضة، وقدمهم مع المنح اللي بتطلب ده، لأنها بتزود فرص قبولك.
.
4- جواز السفر.
لو معملتش جواز السفر اعمله دلوقتي لأنك هتحتاجه في أي وقت وبعض المنح بتطلب صورة منه تبعتهالهم علشان يتأكدوا إنك قادر تسافر للبلد دي. دي خطوات عمل جواز السفر للذكور والإناث: https://goo.gl/4FiO6V
.
5- الدور الريادي والمجتمعي.
كتير من الناس بيشوفوا الكلمة دي ويتخضوا، دي مش معناها إنك تكون قائد في حزب سياسي مثلا، لكن معناها ببساطة عمل أو نشاط مجتمعي قمت بيه، كارنيه جمعية رسالة، مشروع تبع صناع الحياة، عضو في اتحاد الطلبة في المدرسة أو الكلية، كشافة، وهكذا، قدملهم أي حاجة معاك تثبت إنك شخص اجتماعي شاركت في المجتمع.
.
طايب أنا قرأت كل ده ومش لاقي منحة أقدم عليها؟ ده تقرير شامل فيه كل المنح الجديدة لسنة 2017 وبالتفصيل متقسم لكل المراحل بكالوريوس وماجستير ودكتوراه ومنح دولية ومنح قصيرة المدى: https://goo.gl/s5CBKZمنحة,
