خطة مذاكرة TOEFL iBT كاملة لغير المحترفين
التويفل امتحان دولي في اللغة الانجليزية معترف به في الجامعات و بيطلب للمنح و ممكن اي شخص عايز يثبت انه بيعرف انجليزي كويس جدا ياخده بدل من شهادات حضور الدورات لانها فعلا ملهاش اي معني زي ما انا اتكلمت كتير ، يعني التويفل علي سيرتك الذاتية له وزنه بلا شك.
اولا القاموس
https://www.facebook.com/Michael.Y.Labib/posts/489249984597398
الرابط دا في شرح كامل لتثبيت القاموس بالتفصيل و روابط ميديا فايبر
——
دلوقتي هتبدأ ببناء القاعدة الاساسية لباقي المهارات و هي الجرامر ، ولكن خلي بالك انك هتتمرن علي النطق بالقاموس زي ما قلت فوق. في سلسلة كتب للجرامر جميلة و فيها 3 مستويات
Progress in English Grammar 1
Progress in English Grammar 2
Progress in English Grammar 3
http://www.mediafire.com/…/…/Progress_in_English_Grammar.rar
هتاخد ال كتب دي بالترتيب بتاعهم و دي كتب صغيرة ، لاحظ انك كل كلمة مش عارف معناها هتترجمها في قاموس انجليزي عربي الاول (زي قاموس صخر) و تنطقها في قاموس لونجمان.
——
دلوقتي ممكن تبدأ مذاكرة للتويفل ، اول كتاب هو كتاب كامل فيه الاربع مهارات و معاه كل الملفات الصوتية و اجابات الاسئلة و حتي اسطوانة التدريب علي الامتحانات (فيها اربع امتحانات كاملة)
The Complete Guide to the Toefl Test – IBT Edition
http://www.mediafire.com/…/The_Complete_Guide_to_the_Toefl_…
ذاكر كل الكتاب ، اتعود تسمع الملفات الصوتية مرة و اتنين ولا تلاتة عادي مفيش مشكلة ، و لما تخلصه ابدأ في اسطوانة الامتحانات و ادرب ، ترجم كل كلمة متعرفاش و اسمع الاجزاء اكتر من مرة و هكذا. ولازم تتعود انك تقرا بصوت ، اوعي تذاكر و انت مش بتتكلم علشان تتعود تتكلم انجليزي.
——
الكتاب دا رائع و هو فيه 500 كلمة و تعبير مخصوص للتويفل و فعلا لا غني عنه
500 Words, Phrases and Idioms for the TOEFL iBT Plus Typing Strategies
http://www.mediafire.com/…/500_Words%2C_Phrases%2C_Idioms_f…
لازم تستمر في نطق الجمل في القاموس ، استخدم الكتاب دا علشان تقوي حصيلة كلماتك.
——
دايما الناس عندها مشكلة في الكتابة ، ولكن مع الكتاب دا الموضوع محلول فعلا
Writing for the TOEFL iBT
http://www.mediafire.com/…/Writing_for_TOEFL_iBT_BOOK_pdf.p…
المفروض انك بتذاكر وقت كامل لو عايز تخلص الخطة دي في 6 شهور و مستواك “مبتدأ” ولكن بتعرف شوية حاجات بسيطة من الدراسة يعني ، فاهم يعني ايه I’m happy مثلا
——
محتاج كتاب اخر عن الكتابة و التحدث فعلا و انا شخصيا بحب الكتاب دا (معاه الملفات الصوتية)
Speaking and Writing Strategies for the TOEFL iBT
http://www.mediafire.com/…/Speaking_and_Writing_Strategies_…
لو مفيش وقت يبقي خد الكتاب دا و بلاش الكتاب السابق
——
دلوقتي كل الباقي انك تحل امتحانات اكتر و دول اسطوانتين عليهم 8 امتحانات
http://www.mediafire.com/…/madel6d20cm…/BARRON_TOEFL_IBT.rar
http://www.mediafire.com/…/The_Official_Guide_to_the_TOEFL_…
خلي بالك الموضوع مش انك تجاوب بس ، انت محتاج تعرف الكلمات الجديدة و اي تعبير جديد عليك ، محتاج تتعود تسمع صح و هتلاقي طبعا النص بتاع جزء ال listening موجود ، يعني اسمع مرة و اتنين من غيره وبعدين افتحه و اسمع كمان مرتين و انت بتنظر علي النص. دايما اقرأ بصوت علشان تتعود علي الكلام بالانجليزي.
——
لو نفذت الخطة و ركزت فيها هتدخل تجيب فوق ال 100 ان شاء الله ، و طبعا اسلوب مذكرتك بيفرق ، في ناس بتخلص الكتاب في اسبوع و فيه ناس بتركز و تجتهد و تخلصه في شهرين بس بتطلع مستواها رائع
بالتوفيق للجميع
الاستاذ مايكل يوسف