من فترة كدة قررت مع نفسي مسألش أي حد عن حاجة غير لما أكتبها على جوجل الأول، والحقيقة لحد دلوقتي مخذلنيش ولا مرة.
تعالى نعرف إزاي نبحث على جوجل.
.
1- جوجل يا اخوانا مش بس بحث بالكلام، فيه بحث بالصور تقدر توصله من هنا وتتأكد من حقيقة أي صورة. دي إضافة بتخليك تدوس كليك يمين على أي صورة وتبحث عنها مباشرة في جوجل:https://goo.gl/0OfmG .
.
2- لو عايز تبحث في موقع معين بس، يبقى ضيف كلمة :site قبل البحث، مثال: site:nytimes.com.
.
3- اللي اكتشفته كمان إنك ممكن تبحث بنوعية الملف، ودي حاجة عظيمة، يعني لو عايز ملف pdf ممكن تبحث عنه بين كل المواقع. هتضيف الكلمة دي قبل البحث: filetype:pdf
.
ممكن تبحث في جوجل بصوتك لو مكسل تكتب أو الكيبورد بايظة، من علامة الميكروفون.
4-ويكيبيديا العربية فيها 500 ألف مقالة بينما الإنجليزية فيها أكتر من 5 مليون مقالة 10 أضعاف تقريبا.
بالتالي لما تبحث عن كلمة زي "الأوتوقراطية" بالعربي هتجد فيها مقال أو اتنين، ولو ترجمتها على جوجل ترجمة للإنجليزي هتلاقي عشرات المقالات.
.
5- لو بتبحث عن رسايل ماجستير أو نظريات علمية وآخر الأبحاث فيها يبقى الباحث العلمي من جوجل هو الحل الأمثل ليك: فكرته إنه بيجيبلك نتايج من كل جامعات ومكتبات العالم عن النظرية العلمي اللي بتبحث عنها. https://goo.gl/H668VA
.
6- سيبك من التدقيق الإملائي/ جوجل فيها خاصية تصحيح افتراضية للبحث هتجيلك بمجرد ما تظهر النتائج.
.
7- اختار الكلام الأقرب للغة جوجل، يعني مثلا بدل ما تقول رأسي تؤلمني، اكتب صداع بالرأس. وهكذا، كلمة صداع أشهر مليون مرة من رأسي تؤلمني.
.
8- ابحث بعلامات التنصيص لو بتبحث عن أسامي شخصيات أو مدن يبقى ضعها بين"... " ، مثال: "إسحاق نيوتن" ، هتجد نتايج ذات صلة أكثر من: إسحاق نيوتن.
.
9- اكتب الكلام بتلقائية عادية جدا بس حاول تخليه بالعربية قدر الإمكان: مثال: كيفية تنظيف اللابتوب. بدلا من: إزاي أنضف اللابتوب. ولو ملقتش نتايج يبقى ترجمها للإنجليزي:
how to clean my laptop
وصدقني مش هتحتاج تسأل تاني بعد كدة.
.
10- أول ما بتظهر نتائج البحث هتلاقي فوق: الكل، الفيديوهات، الأخبار، خرائط، صور، كتب، تطبيقات. وبعدهم كلمة أدوات البحث.
دوس عليها هتلاقي إمكانية تحديد زمان ومكان ولغة الكلمة اللي بتبحث عنها. يعني شبكة الإنترنت كلها بين إيدك.
.
أخيرا جوجل هو أعظم زر اخترعته البشرية في تاريخها.
شكراا للمبدع
مصطفى درش
تكملة القراءة
