10 نصائح مهمة هو هتبدء فى مجال البرمجة
البوست دا هنتكلم عن بدايتك فى عالم البرمجة ونصائح هتساعدك
1 - متحاولش انك تتعلم من اكثر من مصدر فى وقت واحد لان دا هيخليك متشتت فى افكارك ومش هتقدر تركز وغالبا هتنسى ال اتعملتة حاول تركز فى مصدر واحد تتعلم منة وبعد كدا تنتقل لمصدر تانى واذا كنت بتتعلم من مصدرين حاول تحدد يوم لمصدر الاول ويوم للمصدر التانى بحيث انك تقدر تركز وتستفيد ومتشتش نفسك
2 - ابدا متحاولش تستعجل وانت بتتعلم البرمجة عشان بردوا متنساش ال اتعلمتة مثلا لو انت بتتعلم لغة زى c++
او غيرها متحاولش انك تلم كل حاجة متعلقة باللغة فى مدة صغيرة شهر مثلا لا خد وقتك وانت بتتعلم
3 - لازم قبل ما تدخل عالم البرمجة تحدد اهدافك اية فى الاول وتحدد اللغة المناسبة على حسب اهدافك دا مهم جدا وهيوفر عليك كتير انك تركز كل مجهودك ومذاكرتك فى حاجة انت حاببها يعنى مثلا لو حابب تبقى ويب ديفلوبر وتبدا فى مجال البرمجة بلغة زى c++ مثلا
لا ابدا اتعلم لغات الويب وتكون انت كدا بدات صح وفى حاجة انت حاببها
4 - متحاولش انك تتعلم اكثر من لغة برمجة فى بدايتك لازم تركز على لغة برمجة معينة وتتقنها وبعد كدا تفكر انك تتعلم لغة برمجة جديدة
5 - حاول وانت بتتعلم من مصدر معين تتعب شوية وتكتب ال انت اتعلمتة عشان فى بدايتك اكيد هتنسى بسرعة لان ال اتعلمتة مش مكتوب قدامك عشان تراجعة فى حالة انك نسيتة واكيد هيبقى صعب انك ترجع تشوف فيديو كامل عشان نقطة بسيطة انت نسيتها فحاول انك تكتب ال بتتعلمة فى الاول عشان تسهل على نفسك وانت بتراجع او لو نسيت حاجة
6 - دايما وانت بتتعلم حاول متركزش على كورس واحد يعنى لو بدات فى كورس معين وحاسس انك مستفتدش حاجة او طريقة الشرح مش مناسبة ليك شوف مصادر تانية اتعلم منها
7 - لازم تراجع ال بتتعلمة بين كل وقت والتانى وافضل طريقة انك تراجع وتطور نفسك هيا learn by doing
بمعنى انك تراجع كل ال اتعلمتة بالتطبيق العملى وتعمل مشاريع
8- حاول تهتم دايما بالمحتوى الانجليزى لان كتير من الاسئلة والمشاكل ال هتقابلك هتلاقى حل وشرح ليها المصادر الانجليزية متوفرة بشكل كبير جدا واشهر مثال على الكلام دا موقع stackoverflow
ال غالبا مفيش مبرمج مبيستغناش عنة
9 - حاول دايما تتابع كل جديد لان كتير من اللغات بتتطور وتضيف مميزات فى اللغة فدايما متحاولش توقف تعليم ابحث عن كل جديد ومتفوتش اى معلومة
10 - حاول دايما يبقى فى تواصل مع الناس ال فى مجالك وانت بتتعلم لان دا هيساعدك جدا فى تبادل الخبرات وتثبت معلوماتك اكتر.
تكملة القراءة
