ازاى تتعلم لغة برمجة جديدة ؟
1 - متبدأش من كتب
2- دور ع اساسيات الحاجة دى ع النت وافهم الاساسيات دى كويس جدا (بس متطولش فى القراءه والبحث وانت فى المرحلة دى)
3 - التطبيق، التطبيق، التطبيق .. لازم تطبق على اللى زاكرته فى الاول كويس جدا وخد وقتك لحد ما تفهم الاساسيات دى كويس وتنفذها فى مشاريع صغيره
4 - لو خلصت النقط اللى فوق دى "صح" هتفهم الدنيا هتمشى ازاى بعد كده
------------------------
بعض الحاجات اللى تاخد بالك منها.....
:
* الكتب مش معمولة عشان تقراها من الجلدة للجلدة دى بتبقى مرجع عشان لو فيه موضوع عايز تتعمق فيه .. انما لو عايز تخلص كتاب برمجة عشان تبقى جامد ف انسى الموضوع ده
* صفحة Google و Stackoverflow مفتوحة 24 ساعة 7 ايام فى الأسبوع
* تابع ناس مهتمة بمجالك وإسألهم عن اى حاجة شاغلة بالك فى حالة انك معرفتش توصلها ع النت
* اشترك فى جروبات ومنتديات خاصة بالمجال واللغة اللى انت اتعلمتها
* خليك مدمن مدونات ومقالات لان فى رأيي ممكن تدوينه او مقاله تبقى افضل من شابتر بحالها فى كتاب
* بلاش تسأل لحد ازاى ابقه محترف فى اللغة دى لانك ببساطه طول مانت بتطبق وبتخلص التاسكات اللى عليك "صح" ف انت كده محترف فى الحاجة اللى بتعملها
*متحاولش تجيب اخر اللغة عشان لو عملت كده هي اللى هتجيب اخرك
----------------------------------------------------------------
ودي مجموعة كورسات عربي وانجليزي لاهم لغات البرمجه
