20 حاجة لازم تعرفها عن مبرمج الويب

1- مفيش حاجة اسمها "معرفش " لانة اتعود يكون عارف كل حاجة واللى مايعرفوش يبحث عنه ويعرفه 
2- اكتر واحد "بيستمتع" طول ماهو شغال وبيعتبر البرمجة حياة وعالم تانى مش مجرد وظيفة وtasks لازم تخلص وخلاص
3- شخص "مسؤل" لانة اتعود بطبيعة الحال يكون مسؤل عن كل مشروع مطلوب منه 
4- شخصية "صبورة" الصبر ثم الصبر ثم الصبر من اول ما قرر يتعلم برمجة لحد اخر يوم فى عمرة .. ودة اللى بيخليه دايما يوصل لاهدافة
5- حاول ع قد ماتقدر تبعد عنه لما "الكود بيضرب" وتبعد عنه اى شئ قابل للكسر .. بس طول ما الكود شغال معاه تمام ماتستغربش من فرحته وراحتة النفسيه المفرطه وانبسط معاه عادى خليك فرش 
6- دايما بقى يفكر ان "معرفة المشكله " هى ايه؟ اهم عنده من الحل نفسة 
7- من الناس اللى صعب تدوس ع اى لينك ويتهكر بسذاجة 
8- مابيرضاش بالامر الواقع والعادات والمفروض بيكره الروتين و بيحاول يطور من الواقع ويخرج برا الصندوق 
9- البرمجة خلتة يفكر بشكل" منظم" ومرتب فى كل شئ فى حياتة 
10- الـ" search" مهم جدا فى حياتة كمبرمج يكاد يتنفسة وهو من اسرار نجاحة واساسى فى شغله
11- دايما بيكون "خلف الكواليس " مش مشهور لكنه بيشارك فى نجاح ناس كتير
12- دايما "ماعندوش وقت " ومشغووووول
13- بيكره "الكلام الكتير "دايما بيحب يسمع الخلاصة فمتزعلش لما يقطع كلامك من كتر ماهو مستعجل يسمع اللى بعده
14- "ذكي" صعب او مستحيل تلاقى مبرمج شاطر غبى 
15- معندوش "معاد للنوم" انه يسهر ع كود اريح وامتع بالنسباله من النوم نفسه 
16- اتعود دايما على " خوض التجربة " لازم يجرب حتى لو هيفشل
17- بيهتم جدا جدا "بالتفاصيل " 
18- يتمنى لو "ctrl+Z " شئ ممكن وملموس فى كل حاجة فى حياتة 
19- فى الغالب "النسيان" بيكون صفة اساسية فيه غصب عنه
20- فى الغالب بيفضل الشغل وانه يطور نفسة عن الاجازة ولما يحب يغير جو فهو بيدور ع مكان جديد يشتغل فيه
تحية لكل المبرمجين