انت بتعمل اكونت على ابلكيشن لينكدان ..
لسبب من اربعه (شغل - منح - تدريب - تعمل Brand لمجالك)..
وممكن جدا تكون عايز تعمله عشان تحقق الاربعه فى وقت واحد..
قبل ما تكمل قرأه عايزك تنزل بسرعه فى الكومنتات وتعمل منشن لصاحبك عشان يقرأ معاك البوست وتستفيدوا منه انتوا الاتنين او انت وكل صحابك..
□ ثانياً تعال فى البداية اعرفك ايه هو LinkedIn اصلا ؟!
ببساطه "لينكدان" عباره عن منصه من منصات التواصل الاونلاين بس مختلفه عن باقى المنصات..
لانه احترافى اكتر..
انت فى المكان ده بتكون كل حاجه حوليك عباره عن "شغل"..
1. نصايح شغل..
2. فرص شغل..
3. مشاكل شغل..
4. حلول لمشاكل شغل..
5. تدريبات لشغل..
6. كورسات لتاهيل فى شغل..
7. منح لشغل..
ببساطه..
المكان ده اكبر شبكه علاقات وخبرات ممكن تشوفها فى العالم كله..
كل الناس اللى موجودين عليه بيشاركوا خبراتهم وتجاربهم مع غيرهم ويوميا بيكون عليه فرص لكل اللى فوق ده.. يعنى..
□ الفرص اللى بيوفرها لك الموقع ده او التطبيق ده تستحق انك تديله من وقتك اليوم ولو ساعه ولا لا ؟!
- اه طبعا يستحق انك تديله من وقتك واكتر من ساعه كمان..
انا اوقات كتير كنت بنام واصحى وانام واصحى على لينكدان ده .. رغم ان الاكونت بتاعى عليه انا مش موضحه قد كده الا انى بدأت اركز عليه الفتره الاخيره اكتر..
==================
■ تعال اعد لك الفرص اللى ممكن تعملها منه وتجيلك منه..
1- من خلاله تقدر إنك تظهر وتسوق لنفسك بالرغم من الزحام الموجود في سوق العمل، لأن كل ما زادت قدرتك علي إستخدامة بإحترافية وعرض خبراتك ومهاراتك هتزيد فرصتك في التميز وسط سوق العمل وفي مجالك..
2- تقدر من خلالة إنك تقرأ مقالات قوية ومفيدة جدًا في تخصصك، وتتابع كل حاجه جديده بالنسبة لمجالك..
3- تقدر منه إنك تعرض خبراتك ومهاراتك وكل حاجه عنك في شكل حترافي مشابه تماما لل CV او ال Resume ويكون مُتاح لكل الناس..
4- شايف الشركه اللى بتحلم بيها اللى نفسك تشتغل فيها لما تتخرج؟!
تقدر منه انك توصله لان كل مسؤولين التوظيف او ال HR / Recruiterss موجودين عليه وشايفينه انسب بيئة للتوظيف وانهم يلاقوا موظفين كفاءات 200% من الشركات في العالم بتعلن عن وظائفها بشكل حصري علي لينكدان..
5- لينكدان بيئة عظيمه للعلاقات القوية طويلة المدى تقدر تزود شبكة علاقاتك بسهوله فيه لان كل الناس عارفين انه للشغل وبس..
6- تقدر منه تلاقى فرص تدريب فى الشركات لان برضه كل مسؤولى التدريب موجودين عليه مجرد ما تبحث عن اسم الشركه وتختار من ضمن اختياراتها (مكان عمل الشخص) هتلاقى كل موظفين الشركه ظهروا لك تقدر تعمل connections ممتازه معاهم وكذلك الوضع للمنح والشغل..
(مميزات لينكدان اكتر مما تتخيل بس انا هكتفى ب دول..)
===============
■ طيب نيجى ل سؤال اهم من اللى فاتوا دول..
= ازاي أجيب شغل او تدريب او منحه عن طريق LinkedIn ؟!
عشان تعرف تجيب شغل او تدريب او منحه، لازم فى البداية تكون Professional.. ومش معنى بروفيشنال انك تنشر بوستز عليه عن الشغل او عن انجازاتك فى التيمات التطوعيه..
يبقا السؤال الصح دلوقتى .. ازاى اعمل اكونت LinkedIn صح ؟!
= تعال واحده واحده كده هقولك ازاى تخلى البروفايل بتاعك Professional وتعمل صح جدا..
البروفايل فى LINKEDIN بيتقسم ل Topics )يعمى مواضيع) مش زى الفيس سايح على بعضه..
لازم كل Topic منهم تاخد بالك منه اوى اوى وتحط فيه الامور بتنسيق كويس اوى اوى..
======
● اول حاجه عندك Profile Photo (صورتك الشخصيه)
• لازم تحط صورتك انت .. مفيش صور ورد ولا صور عباد الشمس (مش معنى انى ك غزلان بحبه يبقا اروح احطه صورة بروفايلى)
• الصورة بتاعتك لازم تكون formal مش سيلفي، مش مع اصحابك في فرح وتقص نفسك منها.. يعنى ببساطه صورة جواز السفر بتاعك لو تقدر..
• لازم وشك يبقى واضح فيها كويسه اوى اوى مش ضرورى جسمك الاهم وشك..
● تانى حاجه عندك Cover Picture صورة الكوفر بتاعك
-حاول تحط صورة بتعبر عنك (هوايتك المفضلة ، مجال شغلك ، اسلوبك في الحياة ، ...).. ك مثال انا ك غزلان بحب الفضاء جدددا و ادمان عندى اى حاجه للفضاء .. ف حاطط صورة كوكب الارض من الفضاء..
ملحوظه: (عشان تغير الCover Photo لازم تفتح LinkedIn من الكمبيوتر مش من الموبايل..)
● تالت حاجه معانا Job Title (Profile Header) المسمى الوظيفى بتاعك .. بيكون هو اول كلمه بيقع عليها عين الشخص اللى بيدخل البروفايل بتاعك..
• لازم تكتبه بدقه وبصوره محدده وتكتب فيه انت شغال ايه حاليا.. او ال Position بتاعك ايه بالظبط..
● رابعه حاجه ال Summary او الBio بتاعك فى لينكدان.. وده مش بتكتب فيه حكم زى الفيس بوك..
فى ال Summary بتاعك بتوصف نفسك، انت عملت ايه في حياتك، الوظائف اللي اشتغلتها، انجازاتك، ازاي دايما بتطور من نفسك..
• وتكون عظيم اوى لو عندك CV وضيفته فى ال Summary ده.. وهبقا ابعت لك لينك بوست عمل الCv ان شاء الله ضمن اللينكات اللى هبعتها لك فى اخر البوست..
= ملحوظه: (عشان ترفع ال CV بتاعك ف انت بتحطه فى لينك Google Drive وبعد كده تاخد اللينك كوبى وتحطه ف الSummary بتاعك)
..
= ملحوظه 2 : ( لما ترفع أي فايل علي Google Drive او غيره لازم تفعل خاصية Link Sharing (مشاركة اللينك) عشان لما اي حد يضغط علي اللينك، الفايل يفتح معاه .. وللاسف دي مشكلة كبيرة معظمنا بيقع فيها..)
• حط رقم موبايلك وايميلك، لإن لو حد عايز يتواصل معاك وهو مش من الConnections بتوعك مش هيقدر يشوف الContacts بتاعتك ولا هيعرف يوصلك..
● خامس حاجه معانا ال Experience الخبرات بتاعتك لو معاك..
• نفس فكرة طريقة كتابتها فى ال CV بالظبط من الاحدث الى الاقدم وكمان بتضيف معاها سطر او اتنين بال (Responsibilities & Achievements) بتاعك فيها المسؤوليات والحاجات اللى حققتها..
• لو خريج فريش او لسه طالب ممكن تحط التدريبات اللي حصلت عليها في الشركات المختلفة..
● سادس حاجه معانا ال Education بتاعك..
• الكلية بتاعتك والشهادات اللي حصلت عليها زي الماجستير اذا فيه او الدكتوراة..
لو مفيش بتكتب انك (خريج كلية كذا - القسم - الشعبه - تحتهم التقدير بتاعك)..
● سابع حاجه معانا هى ال (Volunteer work).. او ( Extra curricular activities) الانشطه التطوعيه اللى كنت فيها او مازلت فيها..
• حاول توضح ايه الانجازات اللي حققتها وازاي قدرت تفيد المكان ده والناس من خلال خبراتك..
ثامن حاجه معانا هى ال (Skills)
• هنا بتذكر الSkills اللي عندك ومهاراتك في المجالات المختلفة..
● تاسع حاجه معانا وهى ال (Recommendations) او التوصيات والتاكيد على كلامك من جهة الناس اللى اشتغلت او اتطوعت معاهم..
• الناس اللي اتعاملت معاهم ممكن يكتبوا توصيات عنك يعني يذكروا مميزاتك، وممكن تضيف ال Connections بتوعك اللى بتعتبرهم Reference ليك ولشغلك..
● رقم 10 بقا ومن الاجزاء المهمله ومهمه وانا شخصيات مكنتش عاملها (Accomplishments)..
وهى بتتكون من كذا جزء:
☆ الCourses
☆ ال Certifications (الشهادات اللى معاك)
(ممكن ترفع الشهادات علي Google Drive وتحط اللينك بتاعهم)
☆ ال Languages اللغه ومستواك فيها ايه..
● اخر حاجه معانا و اهم حاجه لازم تضيفها ف النهايه ال Contact بتاعتك.. اللى عن طريقها الناس تتواصل معاك..
☆ رقم تليفونك اللي بتستخدمه في الشغل مش العائلي
☆ الايميل بتاعك ويكون Formal..
ك مثال : [email protected]
بلاش soso و lolo و toto..
☆ لينك الفيسبوك بتاعك فى حالة لو كل اللى فوق ده كان مقفول مع الشخص ف يلجاء للفيس بتاعك..
☆ لو عندك اكونت على Wuzzuf حطه.. لو معندكش خلاص..
============
فى النهايه خلى الاكونت ده بيعبر عنك وعن اللى عملته فى حياتك بالظبط.. بلاش تبالغ وبلاش تكتب اى كلام وبلاش تحشي اى حاجه وخلاص مش مهمه.. بس اكتب كللل حاجه عنك على ال11 Topic اللى فوق..
● الخاتمه بقا.. حاول ان يكوز لك تواجد علي LinkedIn..
يعنى تنزل مقالات وتشير وتعلق علي بوستات، وحاول تخلي مشاركاتك مفيده متنشرش اى كلام فاضي او ملهوش لازمه..
● حاول تخلي عندك Connections كتيررررررر حتى لو معندكش Followers كتير .. بس بيكون كويس جدا ان يكون عندك ناس تستفيد منهم في مختلف المجالات اللى انت مهتم بيها مش بس في مجالك..
لو محتاج تطلع تدريب او منحه او شغل فى شركه ما ابحث ب اسم الشركه فى ال Search وحدد ان ده المكان اللى الشخص شغال فيه هيظهر لك كل الناس اللى فى الشركه..
● تابع الناس اللي بينزلوا وظائف ومحتوي هادف ونصائح مهنية علي LinkedIn ...
هتستفيد منهم جدا..
وانا هساعدك فى ده وهحط لك 15 اكونت ممتازين تتابعهم على لينكدان.. ضمن اللينكات اللى هبعتها لك + كمان هحط لك 5 طرق عظيمه تستغلهم فى تعليم حاجات كتير عن Linkedin وتستخدمه صح..
تكملة القراءة
