رسم اسكتش سريع كاريكاتير لمنظر جميل شفته فى الشارع .. رجل مسن مظهره و ملامحه تدل على مدى بساطته ومعه ابنته يوصلها الى المدرسة .. على عكس ما هو معتاد .. البنت فى حالة سعادة مع أبوها .. ويبدو أنهما فى حالة من السعادة رغم بساطتهما ..
البنت تمسك بثياب أبيها بحب واضح وفخر دون أن تهتم بالناس فى الشارع ..
جذب نظرى الموقف لأنى تعرضت لأكثر من موقف البنات أو الأولاد فى سن المراهقة يميلون للتبرؤ من آبائهم البسطاء .. أو اللى على قد حالهم ..
منظر البنت وأبوها يجبرك على احترام الرجل الذى أحسن التربية .. و ابتسامته المرسومة بطبيعة الحال على وجهه وليست ابتسامة عابرة بل تشعر بأنها جزء أصيل فى تقاسيم وجهه .. حالة الرضا التى تبث من ملامحه واستماعه لابنته التى كانت تبادله الحوار اللطيف مع ضحكات أسرية تشعرك ببهجة .. ماحسيتهاش من زمان ..
الرسم هنا مجرد اسكتش سريع لتجسيد الموقف .. الناس اللى بتحاول معانا تدخل فى نطاق الرسم .. جرب ترسم موقف شفته فى الشارع ..
الشارع هو مكمن الكاريكاتير :D ماتنساش .. ارسم لدماغك

drawing caricature from street

فكرة
https://www.youtube.com/watch?v=RMsxMJq5ZaA&t=106s

فكرة تانية
https://www.youtube.com/watch?v=HxZmvRMjJ8A&t=19s