رقم حجز الاستشارات والكورسات : ٠٠٢٠١١٥٠٥٨٦٠٥٢
ليه الهيوكا قاهر للنرجسي
تعالوا بقى نشوف قصة الهيوكا مع النرجسي وليه هم أعداء وليه الهيوكا تحديدا بيقدر يتغلب على النرجسي وكمان يقدر يتعايش معاه ويسيطر عليه ويعمل له تعديل سلوك كمان ،لكن هو بشر وبيتأثر وبيمرض وخصوصا لو النرجسي قدر يكبته فترة زمنية كافية فبيمرض لكن لما بيقوم ويتشافى مش بياخد اكتر من شهر فعلا في انه يتشافى ويتغلب ع الوحش اللي كان في خياله.
شوفي اللي يقول لك الهيوكا مايقبيستمرش مع النرجسي وبيسيبه من اول يوم ولا اول شهر ولا حتى اول سنة عشان هو قوي وبيقدر يعرفه بحدسه واو ا وا كل دة مش قاعدة ابدا .يعني فيه حالات تقول انا هيوكا عشان انا أصلا اتطلقت منه بسرعة وكنت حاسمة وقوية وماسمحتلوش انه يكسرني فانا كدة هيوكا ، لا مش دي الفكرة ابدا ما الشخصية الحدية ممكن تقهر النرجسي من اول شهر والنرجسية كمان ، وكمان الهيوكا ، لا ترك النرجسي بدري شرط انك هيوكا او علامة ولا الاستمرار معا بيدل على انك مش هيوكا ، الهيوكا ياجماعة بني ادم قوته بتقل في أوقات وبتزيد في أوقات وممكن تكوني هيوكا وتمري بمرحلة ثبات تام لكل قواكي وبعدين وقت ماربنا يشاء ترجعي تاني لقوتك ،الهيوكا عنده سمات خارقة لكن هو بشر مش خارق للطبيعة فيه سمات الضعف اللي في كل البشر
طيب تعالي بقى نشوف ليه الهيوكا بيقتل كل قوى النرجسي وبيعيشه تعيس وهو الهيوكا نفسه مش عارف كدة ، حنمسك صفة صفة للمتعاطف الهيوكا ونعرف تأثيرها على النرجسي او أي شخصية سامة
١- اول صفة قلناها عن الهيوكا انه عنده طاقة حب مهولة بيحب كل حد وكل حاجة وبالتالي الناس اللي حواليه كلهم بيحبوه ودي اول صفة بتجذب له النرجسي لانه مميز ومعروف بالتعاطف وبالتالي فهو عطاء ودة اللي عايزه النرجسي طيب وبعدين؟ اللي بيحصل ان النرجسي لما بيقرب من الهيوكا بيشوف اد ايه الناس بتحبه بصدق وبدون مقابل يعني النرجسي بيحاول يشتري حب الناس بفلوسه او بهداياه او بكلام معسول مش من قلبه يعني بيدفع تمن عشان الناس تحبه انما اللهيوكا بيتحب بدون مقابل لانه صادق ودي بتدبح النرجسي ليه هو محبوب من غير مايبذل شيء وانا ببذل ومع ذلك مش حاسس اني محبوب زي ما انا عايز ، حكيت لكم احدى الحالات بتقول ان احدى النرجسيات شافت عاملات النظافة بيحبوها جدا فسألتها انتيب تديهم صدقة او بقشيش يعني فالحالة استغربت طبعا للسؤال وقالت لها لا ليه قالت لها امال ازاي بيحبوكي كدة، بمنتهى الصراحة (سقطات لسان النرجسي) . طبعا دة بيحسس النرجسي بنقصه وبضعفه وفشله في انه يحصل على الحب والقبول من الناس في حين ان الشخص الاخر اللي هو الهيوكا اللي مفروض ان النرجسي مستضعفه وفاكر نفسه حيقدر يقولبه ،بيلاقي انه اقوى منه او احسن منه في حاجة ودة كفيل انه يتعس النرجسي طول عمره لانه مش حيقدر يغيره غير بانه يعزله عن العالم وبيحاول يعمل دة وبرضه غالبا بيفشل وبتستمر الضربات تتوالى بينهم فالنرجسي عمره مايرتاح مع الهيوكا ابدا
٢- تاني صفة عند الهيوكا الذكاء الحاد مع الثبات الانفعالي والحكمة ودة بيخلي الهيوكا فاهم الالاعيب بتاعة النرجسي وقافشها حتى لو مايعرفش حاجة عن النرجسية فتلاقيه يناقش النرجسي بحسن نية وبمنتهى الذكاء والثبات ودة طبعا بيحطم أعصاب النرجسي لانه بيحطه ادام نفسه وبيحسسه دايما انه حينكشف وغالبا النرجسي في الحالة دي بيقلب غضب نرجسي فورا عشان يتخلص من الموقف ،ولما الهيوكا بيفهم النرجسية بتكون الحرب شعواء بينه وبين النرجسي وبيكون البقاء فيها للهيوكا قطعا ،الذكاء والقوة والثبات الانفعالي فلازم الهيوكا يسيطر سواء بعد او استمر وعندي حالات كتير اظنها هيوكا بتقدر تكسر النرجسي وبتسيطر عليه فعلا وتحجم شره ،لكن مانقدرش نقول انها ابدا سعيدة او عايشة حياة طبيعية برضه لكن ع الأقل بتحقق أهدافها من العلاقة وبتحفظ حقوق اولادها
٣- صفة المرونة والتحمل في الهيوكا بتنهك النرجسي وبتحسسه بهشاشته وضعفه لان الهيوكا زي ماقلنا بيمر بالازمات الصعبة جدا وهو في منتهى الثبات وبيلملم شتات نفسه بسرعة فطول الوقت النرجسي بيخطط ويدبر ازاي يحطم الهيوكا ويقضي عليه نفسيا عشان يخضعه وفي كل مرة بيفشل
وطبعا الحدس اللي عند الهيوكا بيعمل رعب حقيقي للنرجسي لانه بيحس انه مش مستور نهائيا وعارف ان الهيوكا حيعرف أي حاجة هو بيخبيها
غالبا النرجسي هو اللي بيهرب من الهيوكا مش الهيوكا اللي بيمشي ويسيبه