رقم حجز الاستشارات والكورسات : ٠٠٢٠١١٥٠٥٨٦٠٥٢
انتي ليه بتجذبي الشخصيات السامة سواء نرجسي او غيره ؟
حقول لك بس لازم تفكري بحيادية في اللي حقوله وانا قلته قبل كدةوحفضل أقوله
حالة بتقول لي انها لما شافت الفيديوهات وعرفت النرجسية اكتشفت ام مامتها نرجسية وانها كانت في كل حياتها تجذب الناس اللي محتاجة حد يراعيها لما راجعت كل الشباب اللي حاولوا يرتبطوا بيها واللي اتقدموا لها بمنتهى الجدية وكانوا حيموتوا عليها لقتهم كلهم عندهم مشاكل وقعدت توصفهم لي واحد واحد ، اول ولد اعجب بيها كانت في المرحلة الثانوية كان اسمر جدا وفقير جدا وكان ضعيف في وسط أصحابه وكان زميلاتها لما يشوفوه واقف لها عند باب المدرسة يتريقوا عليها ان دة معجب بيها وهي كانت تزعل عشانه بالرغم من انها ماحستش بانجذاب ناحيته ، ولما دخلت الجامعة عجبها ولد وسيم وجميل لكن هو صدها وقال لها انه مرتبط بواحدة قريبته وبعدها لقت زميل باعت لها زميلتها عايز يروح يخطبها والزميل دة كان عنده إعاقة جسدية وكان حيموت ويخطبها وهي بتقول انها كانت متعلقة باللي رفضها وبعدين بعدها ارتبطت بزميل لها كان فاشل دراسيا وكان برضه جاد جدا في الارتباط بيها ولكن كان بيتعاطى مخدرات وبعد ما حددوا ميعاد الخطوبة هي سابته وبعدت عنه لما عرفت انه بيتعاطى ، وفي النهاية أتقدم لها زوجها وكان يبدوا احسن واحد في العالم ومطابق لكل مواصفات الفارس على الحصان الأبيض وفي النهاية طلع مايفرقش عنهم كلهم الا في الشكل الخارجي لكن برضه طلع محتاج لها زيهم واسوأ طلع نرجسي والعجيبة ان كل أصحاب اخواتها اللي حاولوا يتقدموا لها بعد كدة عرفت ان عندهم مشاكل مع زوجاتهم وفي النهاية عرفت انهم معظمهم كانوا نرجسيين
هي بتقول انها في الوقت دة كانت مفتقدة جدا حنان الام كانت جعانة حب وكان عندها إحساس بالامومة تجاه أي حد تقابله خصوصا من الجنس الاخر ودة اللي كان بيحس بيه الاخر وييجي جري طبعا كل اللي عنده مشكلة كان بيلاقي عندها الحل وبالتالي كان كل المحتاجين بيروحوا لها واكتر انسان في الحياة محتاج وحيفضل طول عمره محتاج النرجسي
طيب انا ليه بقول لك الكلام دة لان انتي لازم تفهمي نفسك الحالة دي بتقول انا كمان كنت عايزة حد محتاج عشان انا كنت محتاجة ادي هي بتقول انها ترددت كتير اوي في انها تسيب الشاب اللي كان بيتعاطى لانها كانت عايزة تساعده ينجح دراسيا ويبطل يتعاطى وعايزة تعمل منه انسان كويس ،
لازم تفهمي ان انتي كمان احتياجك للعطاء بيوديكي للشخصيات السامة ،ولازم تعرفي ازاي تخلصي من الاحتياج دة وانا حقول لك اسهل طريقة تخلصك من الاحتياج للعطاء الغير صحي
اكتر حاجة تساعدك انك تروحي جمعيات خيرية تساعدي الناس وتعملي خير للي محتاجينه ، تعطي عطاء صحي ، شوفي الناس اللي محتاجة فعلا عطائك وحبك وامنحيه لهم وخصوصا الأطفال اللي في الملاجيء والمسنين اللي في دور العجزة ،زوري الناس دي بشكل دوري وساعديهم باللي تقدري عليه ، انتي حتعطي وتلبي احتياجك للعطاء ولكن بشكل مختلف حتعطي لوجهه الله لان المساكين دول مش حيدوكي أي مقابل ولا التقدير اللي انتيب تنتظريه من اللي حواليكي لما تديهم ولا حيردوا لك عطائك دة أصلا لما تحتاجي حد يساندك فالعطاء هنا حيكون فعلا لوجه الله مش عشان انتي محتاجة تشوفي التقدير في عيون الاخرين ولازم دايما لما تروحي للناس دي دايما تقولي اللهم ارزقني الإخلاص عشان تاخدي الثواب ويكون بالشفا كمان
غير كدة لازم تتعلمي تثقي في نفسك لان ثقتك في نفسك وقربك من نفسك حيخليكي مش محتاجة التقدير من حد انتي حتحبي نفسك وحتقدريها بنفسك ولو وصلتي لكدة وعرفتي كمان تحبي ربنا وتحسي بحبه لكي كدة خلاص مش حتجذبي النرجسيين تاني ولا المحتاجين ولا مصاصي الطاقة ابدا







#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية