- ازاي تخدعي النرجسي وتخليه ميبقاش فاهمك ولا فاهم انتي بتفكري ازاي ولا بتفكري في ايه عشان مايعرفش يفشل التعافي بتاعك ؟
شوفي انتي معودة النرجسي انك كتاب مفتوح وان كل حاجة واضحة وان انتي معندكيش حاجة تخبيها وكل حاجة بتتعمل ادامه وانتي أصلا متاحة وارضك مستباحة له سواد برضاكي او غصب عنك اكيد مش كل الزوجات فيه بعض زوجات النرجسي نجحت في انها تحط حدود وبعضهم حاطين الحدود من اول يوم ، لكن البعض الاخر جايين أصلا من غير حدود ،طيب دلوقتي بقى عايزين نغير الحكاية دي ونبدأ نخلي حياتنا مجهولة بالنسبة للنرجسي ،ازاي وانا عايشة معاه؟ زي ماهو كل حياته اسرار وهو عايش معاكي ، طيب ابدأ منين ؟ أولا انتي تبدأي تقللي كلام معاه دي اسهل طريقة حتخليكي توقفي الرويتر اللي انتي عاملاه طول النهار ، اتعلمي تسكتي مش كل حاجة تقوليها ، دايما تفكري نفسك ان أي حاجة بتقوليها لازم لازم يكون رد فعله عليها يضايقك (الا اذا عايز منك مصلحة غير كدة لازم يضايقك) اما انه مايردش عليكي او انه يسفه كلامك ويبينك عيلة غبية او انه يقلل من أهمية الحاجة اللي بتقوليها سواء كانت خبر جيد او خبر سيء ،فلما كل ماتيجي تتكلمي تفكري ثانية ايه النتيجة اللي انتي متوقعهاها من الكلام دة وهل حتحصلي على عليها أصلا ولا لا؟ طيب ازاي تقدري تحكمي نفسك في النقطة دي عن طريق التركيز الكامل للذهن ودة قلناه في حلقة من الحلقات اللي فاتت ، يعني ايه يعني انك تفكري قبل ماتتصرفي وقبل ماتتكلمي ،تخلي ذهنك صاحي وتخليكي مركزة ومتتصرفيش بانفعال ابدا ادي نفسك تفكري قبل ما تتصرفي او اقبل ماتتكلمي شوفي حلقة دكتورة نانسي صميدة التركيز الكامل للذهن حلوة جدا وبتفهمك ازاي تعملي دة ، طيب ايه اللي حيلخبط النرجسي بقى؟ اللي حيلخبطه انه متعود انك رغاية وانك بتحكي كل حاجة وفجأة بقيتي بتخبي ،دة حيقلقه واحنا عارفين دة بس مش دة بس اللي انا عايزاكي توصلي له لا انا عايزاكي تخدعيه زي ماهو بيخدعك يعني انتي دلوقتي بتتغيري داخليا وبتقوي بالتدريج وبتثقي في نفسك بالتدريج ،كل دة كلام كويس لكن زي مابيقولوا داري على شمعتك تقيد ،واستعينوا على قضاء حوائجكم بالكتمان ،ماتبينيش اللي بيعتمل جواكي ابدا للنرجسي وخصوصا وانتي في اول خطوات التشافي وانتيب تقومي تقفي وبتكوني أصلا مترنحة ومعندكيش توازن ،تخيلي انتي واحد قاعد يضرب في اللي ادامه لحد ماوقعه تماما واترمى في الأرض وبعدين اللي وقع دة حاول يقينم دماغه كدة عشان يقوم التاني حيعمل ايه حيديه ضربة تكون القاضية يعني انت لسة مامتش طيب خد دي بقى عشان ماتقومش تاني وهو دة اللي بيحصل معاكي هو لو لمح راسك بتتقام بيديكي الضربة القاضية ، عشان كدة الشطارة انك تخبي قوتك وتخبي تقدمك وتشافيكي وتخليكي ظاهريا ضعيفة ومستكينة وخاضعة تماما متبينيش أي تغير نهائيا وخصوصا اذا حطيتي اهداف لحياتك سواء في وجوده او في عدم وجوده في حياتك ، المهم انك عندك هدف والهدف دة لو هو شم ريحته حيحطمك انتي مش حيحطم الهدف وبس ،هو حيبدأ يحطك في حرب ملهاش حل حيبدأ يشوف أسوأ نقطة ضعف فيكي ويدوس عليها بكل قوته عشان يلهيكي عن نفسك وعن تطورك وعشان يخليكي تلفي في مدار الحرب دي زي مثلا يقلب اولادك عليكي او اهلك او يشوه سمعتك يعني حيخرجك من مسارك في ثانية وهو كفيل انه يعمل كدة خصوصا ان انت يحتكوني في اول خطوات التشافي وفجأة حتلاقي نفسك رجعتي لنقطة الصفر ، يبقى الحكمة بتقول انك ماتحسسيهوش ابدا بأي تغير حصل معاكي في نفسك وتفضلي مستكينة وتلبي طلباته وتتظاهري بالضعف لحد ماتحسي انك جاهزة لانك تواجهي وتعترضي وتكوني جاهزة لاي خبطة منه ومن ضمن الحاجات اللي لازم تكوني جاهزة بيها قربك من اولادك وضمانك انهم مدركين لكل اللي بيحصل وانه مش مسيطر عليهم وعلى عقولهم ولو انتي بعيدة عنهم يبقى لازم لازم تتكتمي على أي تغير حصل جواكي لحد ماتستقطبي اولادك وتقربيهم منك وتخلقي علاقة صحية بينك وبينهم عشان تقفلي عليه اخطر معركة قبل مايبدأها ، انا عارفة انك في الوقت دة بتكوني ضعيفة جدا ومش قادرة تتعاملي معاه أصلا وعايزة تولعي فيه ،ماشي بس لازم تحمي نفسك ع الأقل تعملي صمت عقابي او تستسلمي للصمت العقابي بتاعه ، لازم تحمي نفسك وتتظاهري انك ماعرفتيش عنه حاجة لازم مايحسش انك تمردتي عليه عشان هو مش حيسكت هو حيخطط لك عشان يرجعك تحت السيطرة ، اتعلمي تدافعي عن نفسك بالمكر والحيلة مش حينفع المواجهة وانتي ضعيفة ، استعيني بالله وانتي حتقدري ،انا عارفة انك حتقدري بس انتي مش عارفة امكانياتك ومش فاهمة نفسك كويس ، ادي نفسك فرصة تتعرفي اكتر على امكانياتك وقوتك قبل ماتعرفيها للنرجسي