لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
ليه النرجسي مستحيل يجاوبك على اسئلتك
ليه النرجسي مش بيجاوب على اسئلتك وبيلف ويدور حتى لو الأسئلة عادية ومش حتدينه يعني مفيش سبب منطقي يخليه مايجاوبش بس برضه هو مش بيجاوب ليه؟ اول سبب ان النرجسي بيستمتع بحيرتك وهو أصلا عايز يلخبطك وانتي عارفة دة كويس فلو جاوبك الحيرة حتروح وانتي حترتاحي وتبقي ريلاكس ودة عكس اللي عايزه النرجسي النرجسي عايزك طول الوقت عصبية ومحتارة ومش مرتاحة واكيد انتي عارفة ليه هو عايز كدة ، عشان طول ما انتي عصبية بياخد منك وقود سلبي وكمان يقدر يمسك عليكي غلطات يقولها للناس ويطلعك وحشة طول الوقت وكمان يقدر يقول عليكي مش طبيعية ومحتاجة تتعالجي كل دي فوايد بياخدها النرجسي من عصبيتك وطبعا عايزك محتارة ومتلخبطة عشان عمرك ماتفهمي هو بيعمل فيكي ايه فتفضلي متعلقة بيه وتلتمسي له الاعذار وتشكي في نفسك وكل دة في الاخر بيخليكي تحت سيطرته ، طيب دة اول سبب بيخلي النرجسي مايجاوبش على اسئلتك ، طيب تاني سبب ؟ أحيانا الأسئلة بتكون اجابتها الصحيحة ادانه له زي مثلا لو انتي سألتيه انت ليه لسة بتتكلم مع فلانة اللي مفترض انه حلف مايتكلمش معاها تاني وهي اللي بتجري وراه واو ا وا ، فتفتكري هو مفروض يرد يقول لك ايه اصل انا أصلا كداب وانا اللي بجري وراها عشان انا ندل ومدمن اهتمام وبدور على مصدر وقود عشان زهقت منك؟ ولا حيقول لك انه عنده عقدة من الرفض وعايز يحس طول الوقت انه مقبول والناس كلها حتتهبل عليه وبتحبه فبيحاول يوصل لدة من البنات ، ولا حيقول لك انه عايز يحس بقيمته وان البنات بيجروا وراه فبيحاول يوقعهم ويضحك عليهم ويسيبهم عشان يجروا وراه هم بعد كدة؟ كل دي أجوبة مستحيل النرجسي يجاوبها ،فالاسهل بالنسبة له انه يكدب ويقول لك ماكلمتهاش أصلا ولو في ايدك دليل وواجهتيه بالسؤال حيرد عليكي ردود ملهاش علاقة بالموضوع ، زي انتي ازاي تفتحي موبايلي من ورايا ، انتي خاينة عشان بتتجسسي عليا ، اسألي نفسك قبل ماتسأليني ، روحي شوفي نفسك كنتي بتكلمي مين من شهرين ، انتي كنتي بتشتكيني لمامتك امبارح أصلا وبتخونيني وتشوهي صورتي ادام اهلك ، المهم انه يخرجك من الموضوع ويااخدك في حتة تانية خالص ولو كررتي السؤال واصريتي انه يجاوب حيعمل غضب نرجسي ويعقبه صمت عقابي ويعلمك الادب ويبطلك تسأليه ،
والادهى بقى من كدة ان بعض النرجسيين بيتصرفوا تصرفات غريبة ومؤذية ولما تسأليهم ليه عملت كدة يقول لك عملت ايه انا ماعملتش حاجة غلط وهو مقتنع انه ماعملش حاجة غلط لانه مقتنع انه من حقه يعمل أي حاجة وانه يستحق انه ياخد أي حاجة وييجي على أي حد ولو كانت امه حتى ،والنوع دة لما تزنقيه جدا وتناقشيه ويكون عايز منك حاجة وله عندك مصلحة ومش حيقدر يعمل لك غضب نرجسي ولا صمت عقابي يروح قايل لك ايه ،انا مش عارف انا عملت كدة ليه ويستعبط وعمره ماحيقول لك انا من حقي اجي على غيري عشان انا حسن منكم كلكم ودة اللي جواه فعلا .
يعني من الاخر كدة النرجسي مش حيجاوبك على أي أسئلة لانه مش حيقدر يخرج اللي جواه ولا يبين لك حقيقته ولا أصلا يعترف انه عنده غلط في أي حاجة
اانتي مفروض أصلا عرفتي انه نرجسي يعني كداب يعني أصلا مش مضمون يجاوب أي سؤال بصدق يبقى تسأليه ليه ؟ الأفضل انك تكبري دماغك وماتسأليش ،طيب ازاي تقدري ماتسأليش؟ لما تكوني مشغولة عنه بنفسك واولادك وشغلك ودراستك وتثقيف نفسك وهواياتك وبيتك ساعتها مش حتلاقي وقت أصلا تفكري فيه فتسأليه
احسن حل لزوجة النرجسي انها تشغل نفسها بحاجة مفيدة تعملها لنفسها ولاولادها وللناس ،دة بيساعدها جدا ع التشافي