لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
انا كنت ماشية معاه كويس ومسيطرة ع الحياة قبل ما اعرف انه نرجسي ،كنت بفوت له لما يغلط واسكت لما يعمل غضب نرجسي واشغل نفسي عنه لما يبعد ويعمل صمت عقابي وكنت تقريبا رميت طوبته وكأنه مش الحياة لما يعمل القاء وتخلي وكان بيرجع تاني برحب بيه وكأنه مابعدش لاني كنت واصلة اني مش هاممني وجودة من عدمه ، من ساعة ماعرفت انه نرجسي وانه بيعمل كل اللي بيعمله معايا بقصد وتخطيط بدأت أكون حادة معاه واعامله بتجاهل بس ومفيش بقى أي وقود إيجابي ولا سلبي بياخده وحتى العلاقة الحميمة مبقتش قادرة اديها له زي الأول ، وكانت النتيجة طبعا انه راح يدور على بديل وانا دلوقتي مبقتش عارفة اتصرف ازاي؟
طبعا الحالة دي احزنتني جدا جدا لان احنا بنوعيكم عشان تحسنوا حياتكم مش عشان تفلت منكم ، اللي حصل انها كانت بتتعامل معاه بالتجاهل الذكي والميرور (ميرور هنا يعني في التعامل مش في الشتم والضرب) ودة احسن أسلوب تعاملي بيه النرجسي اذا انتي ناوية تكملي حياتك معاه ، المشكلة انها لما عرفت اتصدمت وبان عليها في التعامل معاه وهو حس بكدة دة غير ان هي وقفت التجاهل الذكي واشتغلت تجاهل تام ودة اخطر حاجة تعمليها مع النرجسي اذا انتي حتعيشي معاه ، انا عارفة انها بتكون هزة نفسية عنيفة انك تفهمي انه قاصد يؤذيكي وانه مشكلته مش انه عصبي زي ماكنتي فاكرة انا عارفة ان الصدمة بتخليكي فعلا مش طايقة تشمي ريحته في البيت مش تشوفيه وبس ،لكن اذا انتي مقررة تتعايشي يبقى لازم تتمالكي اعصابك ولازم ماتبينيش انك فهمتيه عشان تقدري تدي وقود إيجابي في فتات الخبز وهو يصدقك وعشان ماتوقفيش الوقود تماما فيدور عليه برة ، وكمان اذا هي كانت ماشية وممشية حياتها وهو كان الى حد ما مستقر وعايش بدون خيانات فدة معناه انه يمكن السيطرة عليه وان كان النرجسي بطبعه غدار وممكن لو لقى مصلحته عند حد غيرك حيروح لها الا انه حنعامله ميرور الى ان يغدر ودة مش حبا فيه لا دة للي معندهاش إمكانية الترك واللي أصلا قادرة تسيطر ، طيب انا عايزة أقول ايه ايه ؟ عايزة أقول لك لما تعرفي انه نرجسي سواء انتي كنتي عارفة تتعاملي أصلا زي الحالة اللي اتكلمنا عنها او انتي مش عارفة تتعاملي ومبهدلك في الحالتين لازم ماتبينيش للنرجسي انك فهمتيه لانه لما بيحس انك فهمتيه بيخاف لدرجة الرعب لا تسيبيه فاول حاجة بيفكر فيها انه يدور على بديل عشان يؤمن نفسه او بعضهم بيقلب الدنيا ويعاملك أسوأ معاملة على امل انه يرجعك القالب تاني بالضغط عليكي وبعضهم يقلب هوفرينج فظيع برضه عشان يرجعك تاني وكلهم كلهم مرعوبين لا الضحية تسيبهم وتمشي ، طيب انتي ليه تعرفيه أصلا ولا تحسسيه انك فهمتيه؟ طالما انتي مش عايزة تسيبيه يبقى لازم تهدي نفسك خالص وتتعاملي كأنك ماعرفتيش حاجة ،هي الفكرة من انك تعرفي هي انك تبطلي تشكي في نفسك وتبطلي تقدمي تنازلات وتبطلي تقبلي الإهانة والضرب ولو بيخون تبطلي تلتمسي له اعذار مش الغرض من انك تعرفي انك تواجهيه وتعرفيه انك فهمتيه بتكوني بالظبط زي اللي بيت الاسدوهو مجوعينه وواقفة تطلعي له لسانك وتقولي له انا عارفة انك اسد جعان ،لا هو فاهم انتي بتقولي ايه ولا انتي انقذتي نفسك من انيابه ، انما الحكمة بتقول ايه تخرجي برة قفص الأسد وتقفلي عليه القفص وتروضيه من برة ، الأول تشبعيه وبعدين تلاعبيه وتروضيه ، تشبعيه دي مع النرجسي اللي هي تديه وقود وتتعاملي زي ماانتي عشان يتطمن لك ويديكي الأمان وتبدأي انتي بقى تشتغلي عليه بفتات الخبز ورابطة الصدمة و(ازاي تخلي النرجسي يدمنك زي ماخلاكي تدمنيه) ورابطة الصدمة وفتات الخبز .
طيب واللي لخبطت معاها تعمل ايه ؟ توهم النرجسي انها رجعت في القالب وتوهمه انها رجعت مطيعة وبتسمع الكلام وبتخاف منه وبتنفذ كل أوامره وتديه خدمة وعلاقة ووقود لكن مش بمنتهى الضعف لا بقوة وثقة في النفس يعني من الاخر كدة توهمه انها رجعت تحبه زي اول ماعرفها ترجع للشخصية اللي اتعرف عليها في الأول كانت قوية وواثقة من نفسها وفي نفس الوقت بتموت عليه وبتسمع كلامه ،لكن المرة دي حتكوني بتمثلي الحب مش حيتضحك عليكي تاني طبعا