لينك حجز الكورس :
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
هل مشاركة الحياة بخروجها بفسحها مع النرجسي بكل اسلوبة ونكده والكأبة الى بيعملها فى الحياة افضل ام شعور الوحدة
سؤال لريحان الجنة، شوفي حبيبة قلبي قبل ما نتكلم عن النرجسي الأول نقول يعني شعور بالوحدة وعادة بيكون ايه سببه ،الشعور بالوحدة هو شعور مؤلم او شعور بعدم الارتياح يشعر به الانسان عندما يكون بمفرده ، وقال لك بقى سبب الشعور بالوحدة هو "الغياب الجسدي لأشخاص ذوي معنى حول الشخص" او " أحد أعراض مشكلة اجتماعية أو نفسية أخرى، مثل الاكتئاب المزمن او " عادة ما يؤدي فقدان شخص مهم في حياة المرء إلى الاستجابة للحزن . في هذه الحالة، قد يشعر المرء بالوحدة، حتى عندما تكون محاط بأشخاص آخرين"وطبعا في حالات الزواج غير المستقرة وغير كدة الانتقال من مسقط رأسك لمان غربة وطبعا دي حاجات طبيعية لكن خلينا نرجع بقى للي يهمنا
الوحدة شعور ناتج عن غياب جسدي لاشخاص ذوي معنى او اكتئاب مزمن او فقدان شخص مهم .
اللي بيحصل ايه بقى مع زوجة النرجسي ؟ أولا هي وحيدة في حياتها مع النرجسي زي ماقال الكتاب في العلاقات الزوجية الغير مستقرة والمليئة بمشاعر الغضب بيحصل لاحد الزوجين او كلاهما الشعور بالوحدة ، طيب يبقى انتي أصلا حاسة بالوحدة قطعا ولا جدال في كدة ، ولما بيمشي النرجسي او انتي تنفصلي عنه نفسيا وتبدأي تعيشي حياتك بشكل طبيعي على أساس انه مش فيها بتبدأي تحسي بالوحدة لعدم وجوده وهنا لازم نقف ولازم نفكر بالراحة كدة هو علم النفس قال لك يا اما غياب جسدي لاشخاص ذوي معنى يا اما فقدان شخص مهم طيب هل النرجسي واحد من دول؟ تخيلي بقى انه فعلا واحد منهم.... الى ان تتعافي هو لسة مهم هو لسة له دور في التحكم في هرموناتك هو لسة له وجود في حيز مشاعرك هو لسة له تأثير عليكي لسة بتفتكريه ولسة بتفتقديه ولسة بتفتكري انك كنتي بتيجي معاه هنا وبتشتري معاه الحاجات دي وكنتي بتزوري فلانة وهو معاكي ،هو لسة موجود جواكي هو لسة كائن في كيانك ، هو لسة له وجود في عقلك ، ودة طبيعي جدا ماتتخضيش ، انتي عيشتي معاه سنين طويلة وذاكرتك أصلا ملتهبة بالاحداث الملتهبة بتاعته فطبيعي انك حتكوني لسة حاسة بوجوده وحتاخدي وقت لحد ماتحسي ان خلاص نسيتي انه كان موجود في حياتك أصلا ،حتى وهو ادامك وموجود معاكي في البيت ، معلش طول ما انتيب تحسي بالوحدة لانه مش موجود معاكي اعرفي ان لسة شوية لسة محتاجة وقت عشان تتممي التعافي ليه ؟ لانه مش شخص له معنى في حياتك الا المعنى السلبي وهو برضه مش شخص مهم في حياتك بالعكس بعد التشافي بيكون مش مهم اطلاقا ، فانتي متخافيش من الشعور بالوحدة بعد الانفصال النفسي عن النرجسي لانه شعور طبيعي جدا طالما التعافي لسة ماتمش بالكامل وسيبي كل حاجة تمشي طبيعي وماتستعجليش سيبي كل حاجة تاخد وقتها واصبري على نفسك ،
طيب ازاي بقى اتخلص من الشعور بالوحدة اثناء رحلة التعافي ؟
أولا اخرجي في الأماكن اللي فيها زرح وبحر يعني الطبيعة بلاش الأماكن اللي فيها ناس ومجموعات وعائلات ودوشة لان دة حيثير عندك مشاعر الوحدة اكتر روحي أماكن هادية وبعيد عن التجمعات واختلي بالطبيعة حتحسي بالالفة
ثاني حاجة قدمي مساعدة لحد محتاج للمساعدة سواء ماديا او نفسيا
ثالث حاجة خصصي وقت لممارسة أي نوع من أنواع الفنون سواء قراءة شعر او رسم او سماع موسيقى
رابع حاجة تواصلي مع الناس بدون سبب اتصلي باصحابك واخواتك لمجرد الاتصال والتواصل مش لازم يكون فيه سبب للاتصال
خامس حاجة فهمي نفسك ان الإحساس بالوحدة دة إحساس مؤقت وكل الحكاية مسألة وقت وحيعدي والاحساس دة حيروح ويختفي مع إتمام التعافي
اهم حاجة في الموضوع انك تفهمي ان انتي مش وحيدة ابدا دة مجرد إحساس كاذب ناتج عن الإدمان وسيطرة النرجسي على افكارك وتفكيرك وناتج عن تناغم موجات دماغك مع موجات دماغه ومع الوقت الكلام دة كله حيتفكك وساعتها الشعور بالوحدة دة حيختفي تماما