ليه النرجسي بيكره انك تقربي من ربنا ؟ هل النرجسي بيغير من ربنا على نفسه؟
بوست في جروب ادرس عدوك النرجسي
هل نجح النرجسي يبعدك عن الله و إعطاء عبادته حقها ؟؟ يعني وأنا مع النرجسي كان ينتقد حبي لسماع سورة الكهف لأنها سبحان الله بتريحني كثيرا حتى بطلت أسمعها من كثرة و استمرار نقه عليا وبمجرد ما توقفت عن سماع هذه السورة وغيرها من السور توقف النق،، و كنت بصلي حتى يشوفني أصلي وما أخذ بيدي في يوم و أم بيا الصلاة.
أرجوك أختي، خبريني بخطوات عملية كيف لي أن أتعلق بالله عمليا و أعود لممارسة صلاتي بخشوع بما يرضي الله ؟ أريد أن أذيب الثلج الذي يعتري قلبي نحو صلاتي خاصة
النرجسي في الموضوع دة عنده مشكلتين
الأولى انه بيخاف من قربك من ربنا
الثانية انه بيغير منك
النرجسي عارف ومدرك بالعلم يعني مش عملي ولا بالمشاعر لا هو عارف لانه سمع الناس بتتكلم وبتقول ان المفروض نقرب من ربنا والمفروض نصلي واللي بيعمل كدة بيكون دعوته مستجابة وطبعا هو شاف دة فيكي وعارفه وعارف انتي كويسة اد ايه او بعيدة اد ايه عن ربنا ماتنسيش انه بيراقبك وعارفك اكتر من نفسك وطبعا جرب لما بيظلمك ربنا بيعمل ايه فيه لكن مش بيعرفك طبعا لكن هو فاهم كويس وبعضهم بيسأل زوجته انتي دعيتي علي؟ المهم عشان كدة هو بيخاف من قربك من ربنا وبيترعب جدا لانك كل ماقربتي كل مادعوتك حتكون مستجابة اكتر وكل ماربنا حيدافع عنك اكتر وكمان هو عارف ان قربك من ربنا حيقويكي وحيخليكي أصلا في عالم تاني وحتنصرفي عنه وحتعرفي الحب الحقيقي وحتفهمي ان مش النرجسي اللي مفروض يتحب والباتالي حيقل حبك له ،
النرجسي عايز يكون هو محور حياتك ومحور تفكيرك والوحيد اللي تعبديه فانتي حتعبدي حد غيره (للأسف بعضهم بيوصل لكدة وبعضهم بيقول لزوجته انا اللي ربك) والمختل منهم بيغير على نفسه من اهتمامك بربك وعباداتك ورضا الله عنك وعايز كل دة لنفسه ، كمان النرجسي بيخاف انك لما تقربي لربنا ربنا حيفضحهولك ومش حيعرف يخبي عليكي حاجة ، كان عندي حالة كل ما النرجسي يخونها مع واحدة تحلم بيه وهو معاها وتشوف مواقف في الرؤيا تبين لها مثلا هو بيتحايل على الجديدة دي او واحدة تانية هي اللي بتجري وراه ، او هو بيتكلم عنها مع واحدة تالتة ، يعني بتشوف مواقف حية بتحصل معاه ودي طبعا مستبصرة يعني ربنا مديها بيرة من عنده وبلغة علم النفس دي متعاطفة استبصارها بالرؤية بصري يعني والقرب من ربنا طبعا بيزيد الاستبصار دة بنور من عند الله ، وطبعا دة بيعمل رعب للنرجسي ،فيعمل ايه يحارب انه يبعدها عن ربنا والنرجسي له الاعيب في الموضوع دة ولا الشيطان نفسه ، من اغرائات وكلام في الحب ووعود بالاموال والهدايا والاحلام اللي عمرها مابتحقق واكيد كتير منكم شاف الكلام دة مع النرجسي
طيب السبب التاني النرجسي بيغير منك انتي على نفسه
ازاي وليه ؟ احنا اتفقنا انه فاهم من المجتمع والناس والتعليم في المدارس والسوشيال ميديا ، ان الناس اللي بتعرف ربنا والمشايخ لهم احترامهم وانهم لهم مراكز قوية في نفوس وقلوب عامة الناس ، وفاهم ان الصح ان الانسان يكون قريب من ربنا ويكون متواضع ومايتكبرش على خلق الله وانه يكون حسن الاخلاق ومواظب على العبادات واو ا وا ، ولكن هل هو قادر يعمل دة ، هل هو يعرف يحس بحب ربنا هل هو يعرف يشعر بضآلته ادام ربنا ، هل هو عنده قلب سليم يقدر بيه يقرب ويدعو الله ؟ كل دة مش متاح للنرجسي ليه بسبب الكبر ، افة النرجسي الكبر وهو اللي بيمنعه يخضع لله ويسجد بقلبه مش بجبهته ، هو معندوش القدرة انه يسجد بقلبه لله لانه متكبر زي ابليس واسوأ ع الأقل ابليس رفض يسجد للبني ادم لكن دة رافض يسجد لله ،(طبعا مش كل النرجسيين واصلين للدرجة دي لكن كلهم ميعرفوش يحسوا يعني حب لله) المهم كل دة بيخليه يحس ان قربك من ربنا بيرفعك وبينزله بيحس انك حتكوني احسن منه في حاجة وهو ميقدرش يتحمل ان أي حد في أي مكان او زمان يكون احسن منه في أي حاجة وبالتالي لازم يبعدك عن ربنا عشان متكونيش احسن منه .
السبب الأخير بقى النرجسي عايز منك طلبات فيها حرمانية وانتي لو قريبة من ربنا وبتخافي ربنا حترفضي تلبي طلباته دي وبالتالي قربك من ربنا دة حيقف عليه بخسارة ومش بيقضي مصالحه وبيعطلها وبالتالي بيبذل مجهود كبير في انه يبعدك عن ربنا
عشان ترجعي تقربي من ربنا تاني لازم تتعلمي تروضي نفسك تاخديها بالراحة وبالتدريج وتواظبي الأول على الفروض مع الاذكار اللي تحسي انها مريحة لكي وبتهدي قلبك وتدعي دايما اللهم ارزقني حبك وحب من احبك وحب مايقربني لحبك ، واللهم اجعل الصلاة قرة عين لي ، طول الوقت تقولي الادعية دي ربنا حيستجيب طالما انتي عندك رغبة