النرجسي والجن والسحر والحسد
النرجسي شخص لئيم ،لئيم بكل ماتحمل الكلمة من معنى ،لئيم معاكي ولئيم مع الناس لئيم حتى مع نفسه
لكن دة مايمنعش انه غبي وبعضهم بيكون غبي وجاهل يعني مش بيقرأ ولا بيثقف نفسه باستثناء النرجسي العقلاني طبعا ، ،المهم هو معندوش منطقية أصلا في تفكيره لانه مش عارف أصلا يفكر او ينظم تفكيره ودة طبعا بسبب الجهل ،المهم بعض النرجسيين بيكونوا مش فاهمين هم ليه بيتصرفوا كدة ودول اللي معندهمش ادراك لنرجسيتهم او لاضطرابهم ومش مقتنعين أصلا ان فيهم حاجة غلط ، هو بيخدع حتى نفسه وبيقنعها انه مثالي ومفيش حد زيه ، لكن لما يعمل أي تصرف مش منطقي لو واجهتيه بيه ومعرفش يهرب ولا يقلب عليكي الترابيزة حيقول لك انا مش عارف انا عملت كدة ليه ، انا مش عارف انا قلت كدة ليه ، طيب هو فعلا عارف ولا مش عارف ،النوع دة من النرجسيين بيهرب من نفسه ومش بيحاول يتعمق جواها واصلا هو بيكسل يجهد نفسه في التفكير أصلا في أي حاجة فما بالك بقى لو حيفكر في عمله الأسود واللي حيخليه يحس انه غلط وبالتالي هو سبب غلطه ايه انه ضعيف والضعف حيحسسه بالعار وهكذا فيهرب أصلا من التفكير ، لكن النوع دة اذا معاه حد كل شوية ينبهه ويعمل له جرس ان انت اتصرفت غلط عشان كيت وكيت وبس برفق جدا ولين ويكون الحد دة على نفس مستوي قوته ويكون قريب منه واعلم منه وهو بيثق فيه وفي حكمته ، في الحالة دي بيبدأ النرجسي يحصل شيء من الادراك وبيبدأ يسمح لنفسه انه يفكر ويحاول يشغل مخه ، المهم لما بيكون النرجسي بقى من النوع اللي فاهم وعارف ومدرك انه خبيث ولئيم وعارف ان تصرفاته غلط وفاهم كمان هو عملها ليه يعني هو مدرك انه بيكدب عشان يداري على غلطه عشان محدش يعرف انه بيغلط فيعرف انه انسان سيء فالصورة تبوظ او يتعرف انه بيخالف القانون فيتعاقب فهو مدرك تماما انه بيغلط وبيكدب وعارف انه خبيث ولئيم وفرحان بنفسه كدة وبيبرر لنفسه بان العالم أصلا ظلمه وان العالم غبي وان العالم مايستحقش منه غير الكدب والخداع
طيب لما تييجي انتي بقى المصدر الرئيسي للنرجسي أيا كان هو انهي نوع في اللي قلناهم دول وتبدأي تحسسي النرجسي انك مش عاجبك اللامنطقية اللي هو معيشك فيها وخصوصا لما بيكون عنيف وخبيث وتبدأي بقى تتقوي وتبدأي تطالبي بحقوقك وباحترامك وبايقاف مهزلة الضرب والشتيمة ولا الخيانة ولا الطرد ولا أي حاجة مش طبيعية بيعملها معاكي النرجسي وتكوني فعلا قوية ومستبيعة يقوم النرجسي يحاول يلم الدنيا معاكي بإيه ؟ بحاجة مترسخة في معتقداتك وعارف انك حتصدقيها وفي نفس الوقت ممكن تكوني بتخافي منها بحيث يحكم السيطرة عليكي تاني وممكن جدا هو يكون مش مقتنع بيها أصلا لكن يحاول يقنعك بيها ، زي ايه بقي زي الجن والسحر والحسد ،الحسد هو طبعا مقتنع بيه وهو أصلا حسود ودايما يسقط الحسد اللي جواه على كل الناس عشان كدة مفيش نرجسي مش بيخاف من الحسد ، فدة مش حنتكلم فيه هنا وحعمل له حلقة لوحده
اما موضوع الجن والسحر بقى فدة أداة بيستخدمها النرجسي زي العصاية السحرية كدة لما يتزنق وخصوصا لو زوجته مش متعلمة او مش مثقفة وطبعا ايمانها مزعزع ومفيش قرآن ومفيش ورد فالنفس بتكون مش مسنودة على ربنا فبتكون جبانة وبتخاف زي النرجسي بالظبط ، طبعا هو اول مايحس انها حتفلت منه وعايزة تسيبه يبدأ يشتغل عليها انها ملبوسة والجن بيحركها ويبدأ يجيب لها الشيوخ يرقوها ويحاولوا يطلعوا الجن منها وطبعا هي لاملبوسة ولا الجن بيطلع وللأسف هي بتصدقه أحيانا انما لو هي قوية وواثقة من نفسها او هي حافظة القرآن ولها ورد فبيكون عارف ان الطريقة دي مش حتنفع معاها فيقوم يعمل ايه يقول على نفسه ان هو اللي ملبوس وان هو بيتصرف تصرفات غريبة بسبب الجن وانه محتاج علاج وانه مسحور وكلام من دة كتير المهم انه بلخبط ضحيته وبيخليها تكون عندها امل انه حيتعالج وحيتغير واواوا ، وطبعا لابيتغير ولا الجن بيخرج واصلا هو الجن مايعرفش يلبسه دا هو أصلا يلبس الشيطان ، المهم الكلام دة كله اختلاق من لؤم النرجسي ومش حقيقي وموضوع السحر دة سبحان الله ربنا بس اللي يعلم بيه ومش أي حد بيفك السحر ومش أي حد بيؤثر فيه السحر والموضوع بحر واسع مالناش نتكلم فيه أصلا بس انا حبيت افهمك ان اللي بيقول لك الكلام دة كذاب وبيضللك وهو مش مسحور ولا متعفرت هو لئيم وكداب وبيتوهك وبيضحك عليكي واكيد الناس اللي دارسة العلوم الشرعية عارفة اعراض المس واعراض السحر وكل الكلام دة مش موجود عند النرجسي ، فماتصدقيش ابدا لما يقول لك مسحور ولما يقول لك كدة اعرفي انه غلب حماره زي مابيقولوا في مصر ، يعني خلصت حيله ومش لاقي حاجة يقولها ، فاوعي تمشي معاه في سكك الدجالين ،الجهلة ولما يقول لك كدة قولي لي اقرأ سورة البقرة كل يوم حيتراجع ويقول لك انا طلعت مش مسحور .