لينك حجز الكورس ع الواتس:
https://chat.whatsapp.com/B8RBbEPYIzXHCnfvfry3mr
رقم حجز الاستشارات : ٠٠٢٠١١٥٠٥٨٦٠٥٢
- ١٤جملة النرجسي بيقولها عشان ينيمك ويخدعك ويرجعك تاني للقالب اللي كسرتيه(حق يراد به باطل)
اذا متأكدة ان زوجك نرجسي خدي بالك من الجمل دي لما تتقال لك اعرفي انه مش عايز يطلق وماعندوش بديل غيرك حاليا وعايز يرجعك تحت السيطرة :
١- اول جملة "حاسس ان فيه شخصية تانية هي اللي مسيطرة عليه" او حاسس اني اتنين في بعض واحد شرير وواحد طيب ، الجملة دي بيقولها النرجسي لما تزنقيه في غلطة عملها مش منطقية ولا ينفع ان يعملها طفل صغير حتى زي مثلا انه يطردك من البيت من غير سبب او انه فجأة كدة بدون مقدمات يعمل غضب نرجسي بدون أي سبب وطبعا هو بيكون عنده أسبابه وهو عارفها لكن لما بيلاقي نفسه مش عارف يرجعك تاني لحظيرته بيبدأ يدور على كلام شبه منطقي يبرر بيه اللي عمله ودي من ضمن الجمل اللي بيقولها في الحالة دي
٢- الجملة التانية "انا مريض وقربت اموت" فاكرين الأفلام الأبيض واسود اللي كان الاب او الام لما يغلبوا مع أولادهم او يحبوا يستغلوهم يقولوا لهم أي قلبي الحقوني بموت ، هو النرجسي بيعمل كدة بس بشكل جديد شوية وان كان بنفس مستوى الغباء ،لما بيحس انك بتخرجي عن السيطرة وجرب معاكي كل الطرق وهو ماعندوش إمكانية انه يجهز بديل بتلاقيه يلجأ للجملة دي كتير واحيانا النرجسي الضحية بيقولها باستمرار لما يحب يستعطفك.
٣- تالت جملة "انا صحتي ضعفت ومبقتش اتحمل الضغوط والعصبية" وطبعا بتحمل نفس المعنى واحيانا بيكون عايز يقول لك لو مارجعتيش زي ماكنتي حتتسببي في موتي او حتؤذيني وطبعا بيلعب على نقطة الشعور بالذنب
٤- رابع جملة "انا عايز اقابل ربنا وانا نظيف" هو مش حيقول لكولا حيقول لغيرك سامحيني ولا ولا حيرد المظالم ولا حيبطل ظلم لكن حيقول بلسانه كل اللي نفسك تسمعيه انه خايف من ربنا وممكن تلاقيه يصلي ولا يروح الكنيسة اذا مسيحي وحتلاقيه يلتزم بكل العبادات لكن معاملاته زي ماهي معاكي ومع غيرك ولو كلمتيه يقول لك انا بحاول وربنا حيساعدني وهو أصلا بيتلائم على ربنا ومتخيل انه حيخدع ربنا زي مابيخدع الناس وحاشا لله
٥- خامس جملة "انا بحبك انتي بس مش عارف اتحكم في نفسي مع البنات اللي رامية نفسها علي" دة على اسا انه دنجوان عصره وزمانه
٦- "مهما عرفت غيرك في الاخر برجع لك انتي لاني بحبك انتي" اوعي تصدقيه هو بيرجع لك عشان انتي الوحيدة اللي بتستحمله ببلاش ،اسفة بس دي الحقيقة انتي الوحيدة اللي شغالة بدون مقابل وبدون أي تكلفة فازاي يسيبك لا هو ياخد من كل بستان زهرة وبعدين يرجع لك يلاقيكي قاعدة مستنياه
٧- "انا كل مرة الشيطان يقول لي طلقها تصعبي عليا وأقول حتعيش ازاي وحتجيب دواها منين فبقول لا خليها عشان خاطر ربنا" (دي من الجمل المستفزة للنرجسي)
٨- "نفسي أأمن لك مستقبلك عشان ماتحتاجيش لحد من بعدي" طبعا بيبرر بخله عليكي وفي الاخر ممكن تلاقيه كاتب كل ممتلكاته لاولاده او اخواته عشان كمان ماتورثيهوش
٩- "ربنا بيقول لازم تدخر لاولادك عشان مايشحتوش من بعدك"
١٠- "انا بتحسن انتي فاكرة انا كنت عامل ازاي دا انا كنت بنكد عليكم " اعترافات صريحة من نرجسي انه مدرك انه بينكد على أولاده وزوجته
١١- "انا اتغيرت كتير انا عارف اني كنت سيء بس بحاول اتغير"
١٢- "ساعديني اتعالج انا عانيت كتير ومحتاج حد يحتويني"
١٣- "حاسس ان فيا حاجة غلط ومحتاج اتعالج"
١٤- "وافق يروح يتعالج ؟"
اللي عندها اعترافات او جمل غير كدة تكتبها لنا في التعليقات