ماتحاوليش تفهمي ليه النرجسي بيؤذيكي افهمي انتي ازاي ادمنتي الأذى؟
حاولي تفهمي انتي ليه سايباه يؤذيكي ، انتي ايه المشكلة اللي عندك بتخليكي تقبلي الأذى او تستمري في العلاقة اللي بتسبب لك الأذى
اللي بيحصل في بعض الحالات انك بتدمني الأذى ، ازاي الكلام دة ؟ اللي بيحصل انك بعد ما خلصتي مرحلة الحب الدهبية بما فيها من دفقات قوية للدوبامين واصبحتي مدمنة لهذه الدفقات اللي بتيجي لك من النرجسي ومن كلماته المعسولة ومن عناقه ومن العلاقة الحميمة وبعدين كل الدوبامين بيقف بمجرد انتهاء مرحلة الحب الدهبية وبيبدأ النرجسي يدخلك في مرحلة النكد والخناق والزعل والاذى فمخك يفرز ايه؟ حيفرز الادرينالين اللي هو بيدي دفقات الطاقة للجسم عشان يدافع عن نفسه للبقاء على قيد الحياة ، حلو ، الدوبامين دة بيعمل ايه بييطلق في الجسم مضاد اكتئاب طبيعي من الجسم نفسه عشان يحميكي من اللي بيحصل معاكي ومضاد الاكتئاب دة بيسبب افراز مين ؟ الدوبامين اللي انتي ادمنتيه والنرجسي قطعهولك وبالتالي اصبح الزعل مرتبط بافراز الدوبامين اللي بيريحك ويهديكي واللي بيزود ادمانك للنرجسي في نفس الوقت فتقبلي أي حاجة يعملها فيكي ومش كدة وبس دا انتي ممكن توصلي انك تستنكري البعد عنه والناس تقول لك ازاي عايزة ترجعي له بعد كل الأذى دة وانتي أصلا مش فاهمة انتي ليه عايزة ترجعي له
تخيلي الحكاية ماشية ازاي دورة مفرغة ولازم تتكسر
الادرينالين نتيجة الزعل فيرفع الدوبامين فتدمني الادرينالين فتدمني الزعل والنكد والاذى
طيب حنكسر الدايرة دي ازاي ؟
احنا اتفقنا في فيديوهات التشافي ازاي نرفع هرمون الدوبامين اللي هو تقريبا بيتحكم في جزء كبير من موضوع ادمان النرجسي وهو دة الحل الأمثل لكسر الدايرة دي ، حقول لك باختصار وبسرعة اللي قلته في فيديوهات التشافي عشان الناس اللي ماشافتش التشافي
الادرينالين امتى بيتم افرازه ؟ في الخوف والزعل والنكد والمشاكل ، طيب حترفعيه ازاي دة بقى ؟ حنعمل حاجات انتيب تخافي منها بس مش اوي من غير اذى زي ايه ؟
١- اركبي العاب قوية في الملاهي بس لو عندك فوبيا بلاش
٢- شوفي أفلام اكشن ورعب خفيفة وبلاش القتل والدم ومصاصين الدماء يعني شوفي حاجات ماتؤذيكيش
٣- روحي احضري انترفيوهات مش لازم تكوني حتشتغلي لكن مجرد انك تواجهي حاجة انتيب تخافي منها ولما تعملي الانترفيو وانتي مش مهتمة تتقبلي ولا تترفضي دة ممكن يخليكي مش مهزوزة ولما تخلصي تلاقيكي اكتسبتي شوية ثقة بالنفس وفي نفس الوقت رفعتي الادرينالين
٤- لو عندك إمكانية تعملي مغامرات السفر لوحدك او تخوضي تجربة فيها شيء من المجازفة زي تعملي مشروع صغير وتحاولي تنجحي فيه
٥- اعملي حاجات كنتي بتخافي تعمليها زي مثلا انك تقولي لا لاي حد بعيدا عن النرجسي ، جربي تقولي لا لصديقاتك لما يطلبوا حاجة انتي مش عايزة تعمليها او لاي حد في حياتك ،أصلا لما تجربي دة الادرينالين حيصير وخصوصا لو كنتي شخصية اعتمادية .
٦- روحي مكان جديد لوحدك روحي سينما لوحدك امشي لوحدك خصوصا لو انتي من النوع اللي بيخاف يمشي في الشارع لوحده
٧- طبعا الرياضة الرياضة الرياضة