ليه النرجسي الخفي بيبدأ يهتم اول مانتي توقفي اهتمام ؟
الكلام دة بينطبق على اللي بتعتبر المصدر الأساسي للوقود النرجسي يعني الزوجة الأولى والتانية برة الموضوع لان كل واحدة بتكون احتياطي للتانية واللي عارفة انه بياخد وقود من اهله برضه حتكون برة الموضوع .
النرجسي عنده تصنيفات للناس اللي في حياته بناء على كم الوقود اللي بياخده منهم
قيمة الوقود اللي بياخده منك بتتوقف على انتي عندك ايه ، مركزك ومركز اهلك ايه ، والفرص اللي ممكن تقدميها للنرجسي ، الناس اللي بتدي اكبر واحسن وقود هم دول الناس اللي لهم قوة وسيطرة على النرجسي ، مش بس في ايلامه لكن كمان في التأثير على تصرفاته
دلوقتي هو عايز منك وقت وخدمة واهتمام وبدون مقابل ، فلما انتي توقفي الاهتمام يعني الوقود فدة بيلفت انتباهه لان هو مش بينتبه لوجودك أصلا الا اذا عطلتي ، ومش حيديكي اهتمام اذا هو مش شايفك ،وهو عمره ماحيشوفك ولا يحس بوجودك طول ماانتي بتديه كل اللي هو عايزه ليه؟ لانك بالنسبة له مكنة شغالة وطول ما المكنة شغالة وبتدي وسليمة هو عادي بيستخدمها بيتك ع الزراير وبتشتغل ومش شايف منها غير الزراير والمنتج اللي بيخرج منها ، عارفين مكنة القهوة طول ما هي سليمة انا بحط لها المية والبن واتك ع الزرار وبتطلع لي القهوة امتى ممكن تلفت نظري ؟ لو صفرت وامتى تصفر ؟ لو المية نقصت او الدرج اللي فيه الصرف بتاعها يتملي ، في الحالة دي المكنة بتقف وتصفر وتقول مش شغالة فانا انتبه اني لازم احط لها مية او افضي درج المية اللي مش نضيفة وبكدة تشتغل تاني وانساها تاني وهكذا و هو دة انتي بالنسبة للنرجسي ، هل النرجسي حيحب مكنة القهوة ؟ على فكرة انا بحب مكنة القهوة بتاعتب وبطبط عليها ، وعلى فكرة الجمادات بتحس ولما بيكون حد كويس حاجته بتموت معاه وبتعطل ، والدي الله يرحمه عطلت مروحته والراديو بتاعه والى الان ماشتغلتش من ساعة مامات ، المهم يعني انتي لازم تكوني فاهمة النرجسي صح عشان تفهمي تصرفاته ومتقعديش تتعشمي انه يكون بيحبك لان دة حيخليكي تتوقعي حاجات مش بتحصل ولا عمرها حتحصل فيحصل لك احباط مستمر ،
المهم انتي لما بتعطلي بس وتوقفي عطاء للنرجسي في الحالة دي هو بينتبه انك موجودة وان فيه حاجة غلط فيه عطل فيحاول يصلحه ازاي؟ بالهوفرينج ويبدز يفكرك بالشخص اللي حبيتيه في بداية العلاقة
طيب ايه اللي لما تمنعيه النرجسي ينتبه؟ الانتباه والاهتمام ، لما متتفاعليش معاه ومع استفزازاته، متحاوليش تشوفيه هو عايز ايه عشان يكون سعيد وتعمليه ، انتي مش عايشة عشان تلبي مطالبه ولا بتدوري على انك تكوني مقبولة عنده ولا بتدوري على تقديره لكي ، لما توقفي كل دة بيوصل للنرجسي إشارة انه بدأ يفقد السيطرة عليكي ودة بيجننه خصوصا لما بتكوني مصدر مهم وقوي للوقود فهو محتاج لك وميقدرش يتأقلم مع انك مش مهتمة بيه او انك معتبراه شيء عرضي ومش مهم ،، المشكلة انه مش متخيل ان اللي عمله فيكي ممكن يوصلك للي وصلتي له دة عشان كدة بعضهم بيحصل له ذهول وبعضهم بيحصل له غضب نرجسي وبعضهم بيتصدم وفي النهاية مش بيلاقي حل غير انه يبدأ يهتم ويعمل هوفرينج


جروب ادرس عدوك النرجسي
https://www.facebook.com/groups/kawthersanad11
صفحتي الخاصة للتواصل معي
https://www.facebook.com/kawthersanad1.wordpress