خمس صفات نرجسية مش موجودة في النرجسي الخفي عشان كدة الضحية بتتلخبط جدا
١- اول صفة ان النرجسي واثق من نفسه وجريء ودايما يتعاظم ويتفاخر على الناس ودة موجود في النرجسي الظاهر فعلا لكن النرجسي الخفي مش كدة خالص هو ممكن يكون حاسس بنفسه بس دة يطلع عليكي انتي بس ،انما ادام الناس بيدعي التواضع والمثالية وهو أصلا مش بيظهر العظمة دي أصلا ادام حد غيرك لانه بيخاف الناس تفهمه وفي نفس الوقت هو خجول أصلا وطبعا خجول بسبب العار اللي جواه ، ودايما الصورة الإيجابية عن نفسه بتتكسر بسرعة نتيجة انه حساس جدا واي نقد او أي مواجهة بتكسر الصورة الإيجابية دي
٢- النرجسي مغرور ومتفاخر دايما ومنفوخ ومتكبر ، طبعا برضه دة في الظاهر ولو كان الخفي كدة مكنش حد اتخدع فيه ابدا وفضل سنين مش عارف انه مع نرجسي أصلا ،النرجسي الخفي غالاب بيكون متواضع وخجول ومش متفاخر بشكل مباشر وغالبا الصفات دي بتظهر للضحية فقط ومع ذلك مش بتاخد بالها منها من كتر حبها فيه
٣- النرجسي مش بيساعد أي حد غير نفسه ودايما الناس تسأل هو بيساعد كل الناس وبيعمل اعمال خيرية كتير ومع ذلك فيه صفات كتير من النرجسية فهل هو نرجسي ولا لا ، النرجسي الخفي بيساعد جدا واحيانا بيكون عنده عنده عطاء قهريي كمان وبيدي من غير حساب .لكن غالبا لاي حد ماعدا الضحية عشان يفضل مسيطر عليها ، النرجسي المرح والنرجسي الشعبي من اخطر الأنواع في النقطة دي ، الناس دي بتساعد عشان الصورة وعشان السمعة واليعياذ بالله رياء بيساعد رياء
٤- بيتقال عن النرجسي انه جذاب ونجم الحفل والناس بتتلم حواليه لانه بيجذب العقول والابصار ،له ودة النرجسي الظاهر الجريء اللي مش بيهمه حد ، اما النرجسي الخفي فبيفضل البعد عن الأضواء والبعد عن مركز الحفل وبيفضل يقعد في ركن يتفرج ع الناس ويحكم عليهم ويراقبهم ويخاف يتكلم او يتحرك حتى من مكانه عشان ماينكشفش لكن اذا فريسة قربت منه مش حيضيع الفرصة وحينفخ نفسه ويلمع لسانه ويبدأ في الاعداد للصيد ، لكن غير كدة صامت
٥- النرجسي مش بيحس بالعار ولا الخجل ، دة الظاهر فعلا ومش بيهمه حد أصلا ،لكن النرجسي الخفي مش كدة أصلا هو علطول ودائما وابدا حاسس بالعار واقل مواجهة او مناقشة بتحسسه بالعار لانه بيشوف نفسه الحقيقية بسرعة مع اقل نقد وبتكون النتيجة طبعا غضب نرجسي وبيعقبه صمت عقابي
الخمس صفات دي دايما بتلخبط الزوجة وتبقى مش عارفة هو نرجسي ولا لا لانه مفهوش الصفات دي
للأسف هو نرجسي لكن نرجسي ضعيف ميقدرش يعلن عن نرجسيته واحيانا اذا حد واجهه بيها ولو كان طبيب نفسي حتى بينكرها وبيسقطها عليه أصلا ودي الصفات اللي خلت علماء النفس تطلق عليه اسم النرجسي الضعيف .