هل النرجسي سعيد ؟
اتفقنا ان النرجسي عنده شخصية ضعيفة حقيرة كلها عيوب مخبيها بالشخصية المتألقة الجميلة اللي هي القناع و الواقع اللي عايشه النرجسي هو التمزق بين الشخصية المزيفة والشخصية الحقيقية هو عارف وفاهم كويس انه حقيقته هي انه كذاب وانه خبيث وانه مؤذي ومبيحبش غير نفسه ، هو فاهم شره وضعفه وخوفه وطبعا طول الوقت مش راضي عن نفسه الحقيقية اللي بحاول يحافظ عليها ويخفيها في نفس الوقت وطول الوقت ٢٤ ساعة ف ال ٢٤ ساعة بيفكر ازاي يخفيها ويحافظ على اختفائها وازاي يلمع الصورة المزيفة اللي هو صنعها ، هو طول الوقت يفكر ازاي حيسمع جمل المديح والتقدير ومن مين وازاي حيخلي الناس تديه التقدير والاحترام دة ، طول الوقت بيفكر حيعمل ايه فيكي عشان يقدر ياخد منك وقود سلبي ، تفتكروا النرجسي بيقدر ياخد اجازة من التفكير دة او يقدر يوقف خوف وقلق ويسترخي ، النرجسي ميقدرش يسترخي ولا يعرف يستمتع باي متعة من متع الحياة زي الاسوياء مهما خرج ومهما اتفسح وسافر وقضي وقت ممتع في اي مكان عمره مايعرف يستمتع ابدا لانه علطول مش راضي وعلطول محتاج للوقود وخايف يغير منطقته مين حيديه الوقود و خايف يبعد عن اهله وعن زوجته لو كانت وحشة مثلا وخايف على شغه وخايف يفقد اي حاجة بيمتلكه

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11