ليه النرجسي بيرفض يروح لمعالج نفسي عشان يتعالج مش عشان يسكتك
١- نظرة المعالج للنرجسي ان المعالج حيساعده وهو محتاج للمساعدة فدة معناه عند النرجسي انه مش كلي القدرة زي ماهو متخيل ، كمان معناه ان المعالج بيعرف يعمل حاجة النرجسي مبيعرفش يعملها ودة طبعا ضد مبدأ انه نصف اله
٢- المعالج حيكون بيعرف اكتر من النرجسي وبيعرف حاجات عن النرجسي نفسه والنرجسي مش عارفها دة معناه ان النرجسي مش بكل شيء عليم زي ماهو متخيل ودة مرفوض قطعا
٣- النرجسي لما حيروح لمعالج حيدخل في موعد محدد وحيدفع مقابل الخدمة وحيرضخ للقوانين بتاعة العيادة وطبعا احنا عارفين ان النرجس مبيخضعش لا لقوانين ولا شيء من الكلام دة ودة حيسلبه سيطرته على الحياة ، ودة برضه مرفوض بالنسبة له
٤- النرجسي شايف انه حيروح للمعالج عشان يغير هويته بل كمان حيفقدها ، حيفقد الهوية الزائفة اللي بيواجه بيها العالم وحيواجهه عار تماما بنفسه الحقيقية
٥- النرجسي بيكون شايف انه لو واجه العالم بشخصيته الحقيقية الضعيفة المجروحة المحرومة مش حيستحمل الاذى والصدماتو النزاعات المزروعة جواه واللي ممكن تتجدد بالتعامل مع العالم
٦-النرجسي عارف ان العلاج حيتطلب انه يضع ثقته الكاملة في المعالج ودة موضوع صعب جدا عليه يكاد يكون ميقدرش يعمله
٧- النرجسي عارف انه لو اتعالج حيكون انسان طبيعي زينا يعني مفيش نصف اله ، مفيش كامل القدرة وكامل العلم ولا فريد متميز وعظيم ودة طبعا كابوس بالنسبة للنرجسي ، كمان هو مش ضامن انه العلاج دة حيحقق له السعادة والراحة

اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11

الكتب
malignant self love