ازاي تعرفي انك في علاقة سمية (نرجسي - سيكوباتي - مضاد للمجتمع)
٢٠ سؤال لوجاوبتي علي واحد منهم ب أه إعرفي انتي في علاقة سمية . دة كلام
١- هل اتحولت متعتك في الحصول علي الحب من شريكك لخوف من انك تفقديه؟ هل مشاعرك اتحولت من السعادة والنشوة للقلق والحزن والاكتئاب وانتي مش فاهة ليه؟
٢- هل مودك معتمد تماما على العلاقة ودايما طالع نازل بحدة ؟ يعني شوية مبسوطة اوي وشوية حزينة اوي ومهمومة والحالتين بسبب شريكك؟
٣- هل انتي طول الوقت مش حاسة بالسعادة في العلاقة ومش متطمنة وقلقانة مش عارفة العلاقة حتستمر ولا لا وطبعا مش عايزاها تفشل لانك بتكوني سعيدا جدا في بعض الاوقات؟
٤- هل بتحسي انك مسئولة عن تدمير احسن حاجة حصلت لك في حياتك بس في نفس الوقت مش عارفة دة بيحصل ازاي ؟
٥-هل علاقتك معقدة وانتي مش عارفة هي معقدة ليه ولو اتكلمتي عنها مع حد بتقولي الموضوع صعب شرحه بس هو معقد جدا او مشاكله كتير ؟
٦- هل انتي علطول قلقانة ومبتوقفيش تفكير في العلاقة وعلطول بتحلي كل المواقف اللي بتحصل فيها مع محاولة يائسة لتفسيرها او فهمها ، وهل بتلاقي نفسك عايزة تتكلمي عن العلاقة مع اي حد عنده استعداد يسمع لكن بدون فايدة ؟
٧- هل انتي طول الوقت مش عارفة مكانتك عند شريكك هل بيحبك ولا لا وطبعا دة بيخليكي متحسيش بالامان؟
٨- هل دايما بتسأليه ماله فيه ايه مزعله ودايما حاسة ان فيه حاجة غلط ومش فاهمة ايه هي
٩-هل معظم الوقت بتلاقي نفسك في وضع دفاع عن النفس وانه شريكك دايما فاهمك غلط ودايما محتاجة تشرحي وتبرري وتدافعي عن نفسك من غير اصلا ماتعملي حاجة؟
١٠- هل بدأتي تحسي انك مع الوقت بتفقدي الثقة في نفسك وبتتحولي لانسانة غيورة ، ومش حاسة بالامان وعصبية وردود افعالك مبالغ فيها وطبعا شريكك لفت نظرك لكل دة في اكتر من مناسبة؟
١١- هل انتي طول الوقت حاسة بالغضب والاستياء ومتضايقة ومخنوقة ومش عارفة ليه؟
١٢- هل بدأت اهتماماتك تنحصر في البحث والتدوير ورا شريكك وبتدوري في موبايلة مكالماته واكونتات الفيس والواتس وكل وسائل التواصل عشان تعرفي عنه اي معلومة لانك حاسة انه بيخونك او وراه سر مخبيه
١٣-هل دايما بتبذلي مجهود عشان تسعدي شريكك ولكن بتحسي ان مجهودك دايما في الارض وانه ممكن يعمل مفعول نص ساعة ويرجع تاني متجهم ومكشر وبيقلب فجأة ؟
١٤- هل مبقتيش تقدري تعبري لشريكك عن اي مشاعر او افكار سلبية خوفا منه او لانه اصلا مانعك من كدة عن طريق ردود افعاله السيئة ؟اكيد العيب فيكي؟
١٥- هل اصبحتي مش راضية عن نفسك زي ماكنتي قبل ماتدخلي العلاقة ، وبدأ مستوى تفكيرك يقل وذكائك يخونك و جاذبيتك والكاريزما بتاعتك بتختفي وبتحسي انك مبقتيش انتي ؟
١٦- هل بقيتي حاسة من مش قادرة توصلي لتوقعات شريكة منك يعني مش عارفة تعملي اللي يرضيه وانك مش كافية له؟
١٧- هل بيقتي دايما حاسة بالذنب وبتعتذري كتير وعلطول بتحاولي تصلحي حاجة غلط مش انتي اللي عاملاها وبدأتي تلومي نفسك على ان شريكك بيبعد عنك ومش فاهمة انتي ليه علطول بتدمري علاقتك بيه؟
١٨- هل بقيتي بتحكمي نفسك وتمنعيها من الكلام وتفكري في كلامك كتييير قبل ماتقوليه عشان خايفة تزعلي شريكك او تتحرمي من الحب او المعاملة الكويسة؟
١٩- هل بقيتي عصبية جدا وانفجاراتك قوتها بتزيد مع الوقت وبتصحبها انهيارات وبكاء ، مع انك قبل العلاقة كنتي هادية ومش عصبية ، وكل ماتتعهدي انك توقفي الانفجارات دي متقدريش تنفذي التعهد ؟
٢٠- هل بتلاقي نفسك بتعملي حاجات وانتي فعلا مش مرتاحة ومش عايزة تعمليها اصلا ومنزعجة جدا وانتي بتعمليها وبتكون ضد طباعك واخلاقك وشخصيتك ومبادئك وحتى دينك وكل دة عشان تسعدي شريكك وتحافظي على علاقتك بيه او تتقي شره ؟
اكونت الفيس بوك
https://www.facebook.com/profile.php?id=100008051807381
جروب ادرس عدوك النرجسي
https://www.facebook.com/groups/kawthersanad11