٣٠ اسلوب من اساليب التلاعب النرجسي
١- التعزيز المتقطع اخطر اسلوب ودة حلقة كاملة اسمها (اهم واخطر اسلوب من اساليب التلاعب النرجسي . التعزيز المتقطع)
٢- التعزيز السلبي : النرجسي بيبطل يعمل حاجة انتي بتضايقي منها في مقابل انك تعملي حاجة بترفضيها (حرام او انتي مبتحبيش تعمليها او فيها ضغط عليكي او لها علاقة بأهله ،….)يعني يبقى عامل لك صمت عقابي ولو رحتي لاهله يوقفه ، او بيعاملك باستهزاء وسخرية ولو ادتيه جزء من مرتبك يبطل
٣- اللعب بالمشاعر (ركن الانهيار العاطفي) : حلقة (لما النرجسي يستخدم معاكي سياسة قلب الترابيزة تعملي معاه ايه ؟ وازاي تواجهيه ؟ )
٤-تحويل التركيز : طبعا دة بيحصل في التكتيك اللي فات لانه بيحول التركيز في الحوار عليكي وانك بقيتي عصبية وبتبالغي في ردود الافعال وبكدة يحطك في ركن الانهيار العاطفي
٥- الافشاء المبكر : ودة بيحصل في الاول في مرحلة التعارف يبدأ يحكي لك عن نفسه عشان انتي كمان تحكي ويسحب منك معلومات يستخدمها ضدك بعد كدة ودة بيكون في وقت بدري اوي ملحقتوش حتى تعرفوا بعض كويس لانه طبعا مستعجل وعايز يعرف عنك كل حاجة بسرعة ، وبيستخدمه احيانا في بقيت حياتكم لما يحب يعرف عنك حاجة انتي مخبياها
٦- التثليث ودة في حلقة ( ازاي النرجسي بيستخدم طرف ثالث في اخضاع ضحيته )
٧- لوم الضحية : المتلاعب هنا بيحمل الضحية مسئولية المشكلة اللي حاصلة التكتيك دة بيخليكي في وضع الدفاع عن النفس فيديكي شكل المذنب وكمان تصدقي ان انتي اللي مفروض تتلامي وحتى لو العلاقة في نهايتها وخلاص بتسيبوا بعض بيفضل يقول لك انتي السبب في فشل العلاقة انتي اللي وصلتينا لكدة ويقنع اهلك واصحابكم وكل اللي حواليكم ان انتي السبب وتلاقي نفسك لوحدك والكل ضدك في الوقت اللي بتكوني محتاجة فيه للدعم
٨- الاهانات الغير مباشرة : هو حينده لك دايما بلقب معين فيه اهانة وغالبا حيعملها بهزار ، او يعمل لك عدوان سلبي ،اللي هو يقول كلام مؤلم بدون ابداء الغضب وممكن من غير مناسبة وتكون بشكل ودي بحيث متمسكيش عليه غلطة ولا تحسي انه قاصد اهانة لكن يوصل لك انك فيكي عيب وهو بينبهك له حبا فيكي زي : انتي احلي في الفستان دة عشان بيبينك انحف ، او انتي كنتي حتبقى احلى لو كنتي اطول خمسة سم بس ، التكتيك دة خطورته انه بييجي من حد انتي واثقة فيه وفاكراه بيحبك واي حاجة حيقولها حتصدقيها وبالتالي حتقتنعي انك فيكي عيوب وانك قليلة وانك اقل منه بكتير
٩- الشعور بالذنب : المتلاعب بيستغل انك عندك ضمير وانك عندك رغبة انك تكوني كويسة فبيستخدم دة في السيطرة عليكي والهروب من اخطاءه ويحسسك بالذنب كمان عشان واجهتيه بيها ويبدأ يقولك : انا مش مصدق انك حتى تفكري اني ممكن اكدب عليكي
ازاي قدرتي تفكري بالطريقة دي بعد كل اللي عملته عشانك ،،،،،او لو عايز منك حاجة وانتي رفضتي تديهاله : متقلقيش متهيألي اني حقدر اتصرف اذا مقدرتيش تساعديني ،،،، اذا كنتي حقيقي بتحبيني كنتي عملتي لي كذا ……
١٠ الخجل و العار والخزي : كلهم بيحملوا نفس المعنى : الشعور بالخزي او العار بيحسه الشخص لما حد يوصل له انه ميستحقش الاحترام ودة اللي بيعمله النرجسي انه يخليكي تحسي بالعار عن طريق التعبير عن الاشمئزاز وخيبة الامل او يستخدم السخرية او التقليل او المقارنة بحد هو شايفه احسن ، العار او الخزي احساس ناتج عن شيد وحش بنعرفه عن نفسنا ودة اسوأ احساس ممكن يحسه الانسان لانه بيدي احساس بالاهانة ودة بيدي المتلاعب احساس بالعظمة في العلاقة السمية المتلاعب بيسخر من كل حاجة انتي بتحبيها ودة بيدمر احساسك بنفسك وبقيمة ذاتك
١١- الكلمات الفارغة / وعود كاذبة
١٢- صنع الجنان : يقول لك حاجة وينكرها ويعمل حاجة ويقول محصلش ومفروض انه عايزك تصدقيه بالتخويف مرة وبالحنية مرة المهم انك لازم تصدقيه وطبعا حتشكي في نفسك
١٣- ال Gaslighting حلقة( ازاي النرجسي الخفي بيخليكي تشكي في نفسك وذاكرتك وادراكك وصحتك العقلية )
١٤- تقليل حجم اخطائه : يعمل الكارثة ويقول لك انا معملتش حاجة غلط انتي بتبالغي في ردود افعالك وتلاقيه بيكرر نفس الغلطة طول الوقت
١٥- الصمت العقابي السبب والمواجهة
١٦- الكذب
١٧- المتلاعب بيقاوم مشاعرك السلبية بطريقة الانكار ، يعني لو بتتألمي يقول لك انتي بتبالغي ،ولو زعلتي من تصرف كارثي هو عمله يقول لك انتي بتبالغي في ردود افعالك انتي مكبرة الموضوع ، لو حكيتي له عن حد زعلك حيقول لا اكيد ميقصدش او عادي ايه المشكلة يعني لما يعمل كدة ، وبكدة يشكك في حكمك على الامور ويشكك في مشاعرك ويحسسك انك مش من حقك اصلا تعبري عن مشاعرك
١٨-السحر اذا الاقوال تناقضت مع الافعال تأكدي انه بيتلاعب بيكي هو عرف ايه اللي بيضحكك وايه اللي بيبكيكي وبيستخدم دة ضدك