طقطة الرقبه ,بحرك رقبتي اسمع صوت طقطقه ,ايه اسباب الطقطقه دي وهل هي خطر ولا لا وطرق علاجها الطقطقه ليها اكتر من سبب , اول حاجه ببساطه ان اغلب المفاصل فى جسمنا بتبقى عضمتين مع بعض ومبينهم سائل علشان يلين حركة المفصل ,السائل ده بيبقى فيه فقعات هواء وغازات لما بيحصل حركه مفاجئه الفقعات ديه بتفرقع ف بتسمع صوت الطقطقه ده , والنوع ده من الطقطقه فى الرقبه مش مضر خالص ولا ليه اي علاج , ومن علاماته انه مبيكونش فى مع الطقطقه الم وكمان لو عملت تعمل نفس الحركه تاني بعديها على طول مش هيحصل طقطقه لان الفقعات بتاخد حوالي تلت ساعه علشان تتكون تاني , تاني سبب هو بيكون طقطقه ومعاها احساس ان في حاجه بتخرج من مكانها , وده بيكون عدم ثبات نتيجة ضعف العضلات ف اللى بيحثل ان الاربطه والعضلات بتتحرك من مكانها وترجع تاني وده لو فضل كده بيسبب مشاكل كتير فعشان كده قايلين فى اخر الفيديو على تمارين تساعد على ثبات الفكرات ف النوع ده من الطقطقه يختفى ,تالت سبب هو خشونة الفقرات وده بيحصل لما الغضروف حجمه يقل ف عضمتين المفصل يقربوا من بعد ف اي حركه بتسبب احتكاك المفصل ويحظهر نتوئات على المفصل ودي اللى بتسبب صوت الطقطقه وبيكون معاها الم مع الحركه والتهابات فى الرقبه والنوع ده من الطقطقه بيحتاج انك تروح تتابع مع دكتور علاج طبيعي
#اسباب_وعلاج_طقطقة_الرقبه