#ثانوية_عامة #إبراهيم_فريد #إنجليزي #Grammar_tip# Past_simple# Present_perfect

أول ريل في سلسلة الGrammar tips أو تريكات الجرامر في كلمتين.
السلسلة ديه هدفها المقارنة بين زمنين أو قاعدتين في الجرامر بيلغبطوا طلبة الثانوية العامة جدًا وهنفرق ما بينهم بكلام بسيط بعيداً عن التعقيدات والرغي اللي في الكتب والكلام الرسمي اللي بيبقي عبارة عن طلاسم.

فيديو انهاردة هنتكلم عن زمنين من أزمنة الماضي واتنين من أصعب الأزمنة في الGrammar في منهج تالتة ثانوي 2024 وهم الماضي البسيط والمضارع التام البسيط (Past simple & present perfect simple) وهنفرق ما بينهم بكلام بسيط وتريكاية حلوة وهي إن واحد منهم بنستخدمه في الكلام القديم وواحد بنستخدمه في الماضي برده بس في الأحداث الحديثة، فيا تري مين فيهم بنستحدمه في الأحداث القديمة ومين في الأحداث الجديدة؟

مستر إبراهيم فريد علي قناتة IFM English Hub بيستمر في إنه يقدم محتوي شامل في اللغة الإنجليزية لطلبة الصف الثالث الثانوي فمع سلسلة تريكات الجرامر ديه المهمة جدًا لإن الجرامر عليه أسئلة كثير في إمتحان آخر السنة ومحتاجين نلم درجاتهم ومنقعش في التريكات بتاعتهم، بالإضافة للسلاسل الأخري فأنت كطالب ثانوية عامة مش بس الإنجليزي هيبقي بالنسبالك كمنهج سهل وتقدر تقفل امتحان آخر السنة لا ده أنت كمان هيبقي عندك ثراء لغوي كبير ومعرفة عميقة باللغة الإنجليزية.