#ثانوية_عامة_2024 #اللغة_الإنجليزية #المحاضرة_العاشرة #إبراهيم_فريد #الوحدة_السادسة #unit_6

استكمالا لمسيرتنا التعليمية مع مستر إبراهيم فريد على قناته IFM English Hub لشرح منهج اللغة الإنجليزية بالكامل لطلاب الصف الثالث الثانوي، ميعادنا انهاردة مع المحاضرة العاشرة واللي هنشرح فيها Unit 6 بالكامل في منهجنا بعد ما خلصنا أول 5 وحدات بالكامل وقسمنا كل وحدة فيهم على فيديوهين أساسيين ما عدا يونيت 4 كانت في فيديو واحد، وكل فيديو يحتوي على تدريبات وقواعد وكلمات ونصوص قراءة.

في المحاضرة العاشرة من محاضرات الوحدات أو الـ Units من سلسلة شرح منهج اللغة الإنجليزية بالكامل لطلاب تالتة ثانوي دفعة 2024 مع مستر إبراهيم فريد هناخد الوحدة السادسة بالكامل في محاضرة واحدة بعد ما خلصنا الوحدة الخامسة واللي اتكلمنا فيه عن الPhrasal verbs وتقسيمتهم وكمان اتكلمنا عن الGerund (verb+ing) وTo + inf وعرفنا الأفعال والتعبيرات المرتبطة بيهم، وكنا خلصنا يونيت 4 في فيديو واحد وخلصنا أول 3 وحدات وعملنا مراجعة شاملة عليهم واللي كان اسمها محاضرة الإنقاذ.

في المحاضرة دي هنتكلم عن الCausative أو إنك تخلي شخص يعملك حاجة (إنك تتسبب في الفعل ده بس مش أنت اللي عملته)، وهنعرف إن مع الأزمنة المختلفة في 3 طرق لصياغة الجمل وهم:
1- استخدام Verb to have وبعديه الفاعل والفعل يكون في المصدر وده بيكون Active form .
2- استخدام فعل Get وبعديه الفاعل بعديه To + inf وده بيكون Active form.
3- استخدام Verb to have أو Get نفس الاستخدام وبيكون بعدهم المفعول والتصريف الثالث للفعل أي كان الزمن وده بيكون Passive form.

هنعرف كمان في الجزء الثاني من الجرامر ملاحظات مهمة متعلقة بجرامر الCausative عن أفعال بتستخدم نفس استخدام Get وHave وهم:
1- استخدام فعلي Let / make في نفس الاستخدام بعدهم المفعول بعدهم الفعل في المصدر.
2- استخدام أفعال Cause / force / allow / permit بعدهم المفعول بعدهم To + inf.
3- استخدام فعل Stop واللي في السياق ده بمعنى يمنع بعده المفعول بعده حرف الجر From (وممكن تستغنى عنه) وبعده الفعل + Ing واللي إحنا بنسميه (Gerund).
هنحل على الجرامر ده أسئلة مميزة ومختارة للنظام الجديد من ملزمة المحاضرة والتدريبات.

وفي الجزء الخاص بالكلمات والمصطلحات الجديدة هتتعرف على بعض الكلمات المهمة التي لا تخلو من أي امتحان ثانوية عامة وهتعرف ترجمتها الصحيحة، ,وهنفرق بين أفعال مهمة في اليونيت وموجودة في كتاب الWorkbook وهم (Raise - Arouse - Rise - Arise) هنعرف معناهم إيه والفرق بينهم، كمان هتتعلم كلمات جديدة خاصة باليونت اللي هتفرق معاك كطالب تالتة ثانوي في امتحان الإنجليزي وهتساعدك تقوي مهاراتك في اللغة الإنجليزية بشكل عام.

ثم هننهي اليونيت بالجزء الخاص بالـ Reading اللي بيتكلم عن إزاي تزود الإنتاجية بتاعتك في المذاكرة بقطعتين قراءة بعنوان " A report on a recent study into productivity amongs students " و"Trying to raise my productivity levels : Week 1" وهنعرف من خلالهم إزاي نزود الإنتاجية في المذاكرة بناءً على تجارب حقيقة، هنقرأهم سوا ونستخرج منهم الكلمات الجديدة اللي لازم تعرفها وهتعرف في الآخر تستفاد منهم بشكل واضح سواء كونهم قطعتين قراءة أو النصايح القيمة اللي بتقدمهالك في طرق المذاكرة.

مستر إبراهيم فريد في الجزء الخاص بالقراءة هيقول نصايح مهمة جدًا في المذاكرة لطلاب الثانوية العامة، والنصايح ديه مبنية على دراسة فعلية اتعملت على 250 طالب لمدة 6 شهور عشان يقيموا الإنتاجية بتاعت الطلبة ديه بتغيير عادات المذاكرة (Study habits) مع بداية كل شهر من الستة.

محتوي الفيديو والحاجات اللي هتتعلمها منه:
- الCausative أو إنك تخلي حد يعملك حاجة وهنعرف تكوينة وطرق صياغته.
- 3 ملاحظات مهمة لجرامر الCausative.
- مصطلحات ومعاني كلمات اليونيت.
- كل كلمات Unit six.
-قطعتين من الـ Reading.

تقدر تحمل ملزمة المحاضرة والتدريبات من هنا:
https://drive.google.com/file/d/106dElcufMAFwMYFNdxaRFKt6mp5W_P5Z/view?usp=sharing

تقدر تحمل نموذج إجابة ملزمة المحاضرة والتدريبات (Model Answer) من هنا:
https://drive.google.com/file/d/106tSB9Qqcc_D77EeflQtPonOsbi3Fy4i/view?usp=sharing

_________________________________________

أهم الفيديوهات لطلاب الثانوية العامة دفعة 2024:

محاضرة شرح الجزء الأول من Unit 5 من منهج اللغة الإنجليزية للثانوية العامة:
https://youtu.be/DQ6Y9tIpXWM?si=15HwVBNr8AGZ0M0H

سلسلة محاضرات الـ Units كاملة:
https://www.youtube.com/playlist?list=PLv2wY4L0Mh-9k6y6T1sO53-5WSqvWw3tC

محاضرة الإنقاذ لمراجعة ربع المنهج الأول في منهج الإنجليزي للصف الثالث الثانوي 2024:
https://youtu.be/sRj9qezztyI?si=w_V0eT1CezqD3AA8

محاضرة شرح الجزء الثاني من Unit 5 من منهج اللغة الإنجليزية للثانوية العامة:
https://youtu.be/XRpxfv5oVrk?si=ms33IIjccoAAoVCa

__________________________________________

أجزاء المحاضرة:

00:00:00 مقدمة
00:00:18 (Causative) Grammar
00:12:48 Important notes
00:19:15 مناقشة عن عنوان الوحدة
00:22:31 حل تدريبات على الجرامر
00:35:03 Definitions & vocabulary
Reading 00:46:49
00:50:35 أحسن طريقة للمذاكرة
00:56:53 تكملة الReading

__________________________________________

تابع مستر إبراهيم فريد على منصات التواصل الإجتماعي عشان يوصلك كل جديد وتتابع كل الأخبار:

بيدج الفيسبوك:
https://www.facebook.com/ifm.likenoother?mibextid=ZbWKwL

بيدج الإنستجرام:
https://www.instagram.com/ibrahim_farid78/

جروب التليجرام:
https://t.me/IFMTHIRD2023

اكونت التيك توك:
https://www.tiktok.com/@ibrahimfarid78?_t=8hLUlvPCppG&_r=1

جروب طلاب مستر إبراهيم فريد:
https://www.facebook.com/groups/150995911372394

رقم التواصل للحجز والاستعلام:
01007347077