الاكتئاب ازاي و امتي يجي للبنات و السيدات
في الفيديو ده هتكلم معاكم عن الاعراض الخاصة باكتئاب السيدات هنتكلم عن اكتئاب ماقبل الحمل واكتئاب الولاده و الاكتئاب الي بيجي وقت الدورة الشهرية
هنتكلم عن كل واحد فيهم ايه الاعراض بتاعته
و هل كل السيدات الي بتمر بظروف الدورة الشهرية او الحمل او الولادة كلهم يعني هيجيلهم اكتئاب
و ايه موضوع اصلها لخبطه هرمونات
و ازاي نساعد نفسنا اننا مانوصلش للاكتئاب في الاوقات دي
و لو فعلا في الاوقات دي جالنا اكتئاب نعمل ايه
كل الحاجات دي هنعرفها مع بعض في الفيديو

00:00 مقدمة
00:30 عناصر الفيديو
00:52 اكتئاب السيدات وقت الحمل
02:03 اكتئاب ما بعد الولاده
02:47 اكتئاب وقت الدورة الشهرية
03:15 امتي اقول ان دي اعراض اكتئاب مش لخبطة هرمونات
03:33 ازاي اساعد نفسي اني موصلش للاكتئاب
06:00 في حالة ان جالي اكتئاب اعمل ايه
06:45 رسالة لكل راجل


ولو عاوزة تعرفي اكتر عن الاكتئاب تابعي كل الفيديوهات الجاية #نهلة_عبدالباقي #علاج_نفسي #الاكتئاب #اعرف_اكتر_عن_الاكتئاب #nahlapsych

خلينا نمسك كل نوع لواحده و نتكلم عنه هنبدأ الاول بالاكتئاب الي بيجي للسيدات وقت الحمل منظمة الصحة العالمية وضحت في تقاريرها الاخيرة ان 10 % من السيدات الحوامل ممكن يجيلها اكتئاب و دي نسبة كبيرة و مش قليلة و بتكون الاعراض زي خلل شديد في الحالة المزاجيه بالذات الحزن الشديد بدون اسباب تغيرات شديدة في النوم و تغيرات شديدة في مستوي النشاط و الاكل و الرغبة الجنسية
طب ما كل الستات وقت الحمل بيحصل معاها التغيرات دي ايه الجديد او ايه المختلف الي يخليها تقول انها عندها اكتئاب الجديد ان الموضوع مش بيبقي بيتغير يعني يروح و يجي لا ده التغيرات دي مستمرة و بتزيد مش بتقل خالص الي حواليا بيدعموني و مع ذلك الاعراض دي مش بتروح و مش عارفة امارس يومي الطبيعي في الحالة دي ما اترددش اني اروح للعياده النفسية ولو متخوفه من الادوية ممكن العلاج النفسي يكون حل مناسب جدا في الوقت ده و ممكن كمان لو حالتي شديدة الدكتور يديني ادوية ما تأثرش علي الحمل

طب ايه هو اكتئاب ما بعد الولاده كل الاعراض الي اتكلمنا فيه من خلل شديد في الحالة المزاجيه بالذات الحزن الشديد بدون اسباب تغيرات شديدة في النوم و تغيرات شديدة في مستوي النشاط و الاكل و الرغبة الجنسية نضيف عليهم ان ممكن الام تكون رافضة لنفسها و شكلها و للبيبي لدرجه انها ممكن تموت نفسها او تموت البيبي هل كل الستات في الوقت ده هيجيلهم اكتئاب الاجابة لا و لكن برضو منظمة الصحة العالمية وضحت ان 15 % من السيدات بعد الولادة ممكن يجيلهم اكتئاب ما بعد الولاده برضو
في اللحظة دي عموما افضل حل اننا نروح للعياده النفسية و ما نترددش تماما للمساعدة المتخصصة

نيجي بقي لاكتئاب وقت الدورة الشهرية خلينا نتفق ان كل البنات و السيدات بيجيلهم اضطرابات في المزاج في الايام دي من الشهر يعني ممكن تعيط من غير سبب او تاكل كتير قوي او يبقي مالهاش نفس للاكل تماما او تحس انها مش عارفة تركز كويس طب امتي اقول ان عندي اكتئاب ان الاقي الاعراض دي مستمرة معايا لمدة متصلة ما تقلش عن اسبوعين و مش بتقل نهائي و بتفضل تزيد في اللحظة دي انا فعلا هحتاج اني اروح للعيادة النفسية
نفهم من كده ان فعلا ممكن بسبب لخطبة الهرمونات السيدات عرضة اكتر للاكتئاب الاجابهة اها
طب ازاي اساعد نفسي ان مايجيش ليا اكتئاب علي قد ما اقدر
اولا الجملة الي دايما بقولها الانتظام علي الروتين الصحي حتي لو روتين بسيط مش لازم يعني اعمل البدع احاول اكلي يكون متوازن احاول امارس اي رياضة خفيفة حتي لو مش خفيف استغل اي مشوار بنزله و اتمشي في الوقت ده اعمل اي حاجه تحسسني اني مبسوطه و احاول اني التزم عليها جدا
الجأ للمساعدة و الدعم و دي حاجه متكسفنيش او تعيبني انا مش مكلوب مني اعمل كل حاجه في الاوقات دي اعمل الي اقدر عليه و لازم الي حواليا يفهموا كده
ارتاح و اخد اجازة عندي البريود مثلا اشوف ايه اكتر يوم فيها بيتعبني و ارتاح اكل كويس جدا بالذات في الايام دي نفس القصة و انا حامل او بعد الولادة ارتاح و اريح دماغي شوية مش كل حاجه اقعد اركز معاها و ان فيه حاجات مهمة تانية زي صحتي وراحتي اولي و اهم من كل حاجه حواليا
و افهم كويس قوي ان لما بهتم بصحتي ده هيساعدني اني اهتم بالناس القريبة مني
طب لو فعلا جالي اكتئاب لازم اروح العياده بالذات وقت الحمل و الولادة مش عاوزة اخضكم بس فعلا لو الموضوع ده بالذات ماتلحقش ممكن توصل السيدات للانتحار او تقتل البيبي و دي حالات فعلا شوفناها فالخدمة المتخصصة هي الحل
انت بقي ك راجل او ك ست او بنت و شوفتي او شوفت واحدة حامل او لسة مخافة جديد او عندها الدورة الشهرية
ياريت يعني نخف كده شوية عليهم في الوقت ده مش لازم طلبات كتير يعني نريح البني ادمه دي شوية لو لاقيتها زعلانه راضيها والله هتتراضي و معلش كبر دماغك شوية و لو لاقيت الاعراض دي بقالها مده طويلة خودها وديها العياده النفسية ماتستهونش بيها و ساعدها بالي تقدر عليه مش مطلوب منك حاجه فوق طاقتك بس ماتحسسهاش انها عبئ عليك بالذات في الاوقات دي
و بس كده ده كان كل حاجه عن فيديو انهارده و اشوفكم في البودكاست الجاي

و ماتنسوش تتابعو الويب سايت بتاعي : https://nahlapsych.com/

#نهلة_عبدالباقي_اخصائية_العلاج_النفسي
#موقع_نهلة_عبدالباقي_للعلاج_النفسي_اونلاين
#نهلة_عبدالباقي_استشارات_نفسية_اونلاين
#nahlapsych