يعني ايه اسم وفعل وازاي الطفل يفرق بينهم؟!
(#الاسم)
بقوله اسم انسان واجبله مثال وخليه يكمل معاكي احمد .. محمد.. فاطمة ..
او اسم حيوان فيل خروف
او اسم طائر عصفورة ديك
او اسم جماد كرسي قلم
او نبات او صفة من الصفات او اسماء البلاد والايام والشهور
طيب ( و #الفعل؟ )
حاجة اي حد ممكن يعملها
يشرب يأكل لعب
ذاكر وخليه هو يكمل

طيب لو بيتلخبط ازاي اخليه يعرف الاسم من الفعل ؟
الاسم :له علامات في الكلمة اول مااشوفها اعرف علي طول انها اسم
لو الكلمة تبدأ ب الف ولام ... او تنتهي بتنوين.. او تنتهي بتاء مربوطة.. بتكون اسم

لو الكلمة مش فيها ولا الف ولام ولا تاء مربوطة ولا تنوين
زي كلمة حزين مثلا. اعرف ازاي؟
جرب ياحبيبي معاها (ال)
-الحزين .. نفعت؟
-اه .. تبقى اسم
كلمة يأكل جرب (ال )
-اليأكل ..
في حاجة اسمها اليأكل؟
- لا .. احسنت يابطل ..تبقى ايه ⁉
-فعل .. ماشاء الله
#اذكروني_بدعوة
م / زهره السيد