العلاج الوقائى لمنع انحراف العمود الفقرى و لمنع زيادة هذا الانحراف | علاج الانحراف الجانبى ( الجنف)
العلاج الوقائى لمنع حدوث انحراف العمود الفقرى و ل منع زيادة هذا الانحراف
سلام عليكم ورحمه الله وبركاته امهات و اباء اطفالنا في كل مكان معكم دكتور عبد الله عابدين بكلاريوس العلاج الطبيعي جامعه القاهره و معيد بكليه العلاج الطبيعي جامعه الاهرام الكنديه
النهارده هنتكلم عن العلاج الوقائى للتغلب على مشكلة انحراف العمود الفقرى النصائح اللى هقولها النهارده او حتى التمارين اللى هشرحها فى اخر الفيديو تنفع فى حالتين
الاولى هو اى طفل مفيش اى علامه عليه من علامات انحراف العمود الفقرى و اللى كنا شرحناهم فى حلقات سابقه من هذه السلسلة هتلاقوها فى حرف الاى اللى هيظهر فوق دلوقتى
الحاله التانيه هو الطفل اللى بالفعل عنده انحراف عمود فقرى و هيختلف تاثيرها علىحسب درجة الانحراف دى
درجات الانحراف بتعرف بحاجه اسمها الكوبس انجل و دى لو اقل من ١٠ درجات يعتبر حاجه طبيعيه
الانحراف البسيط من ١٠ الى ٢٥ درجه
و المتوسط من ٢٥ الى ٣٥
و الشديد اعلى من ٣٥ درجه
التمارين اللى هقولها فى الحلقه دى هتساهم فى علاج الانحراف البسيط بنسبة ١٠٠ % و لكن مع الدرجه المتوسطه و الشديده هيكون دورها تثبيت او منع زيادة درجة الانحراف
لانه فى الدرجات المتوسطه و الشديده هيكون فى وسائل تانيه للعلاج
طيب هنعمل ايه فى العلاج الوقائى طبعا لازم اولا نعالج السبب و ليس العرض فى المشكله يعنى لو طفل عنده فرق طول لو بسيط يلبس جزمه تعوض الفرق دا ولو كبير لازم يتابع مع دكتور جراحة عظام اطفال لتعويض الفرق دا
لو بيستخدم وضعيات خاطئه فى الجلوس او النوم او حتى شيل الشنطه لازم يصلحها لو بيستخدم مكتب مقاساته غير صحيحه لازم يستخدم مكتب بالمواصفات القياسيه
طيب ايه التمرين علشان مطولش عليكم
طبعا العضلات المسؤله عن العمود الفقرى هى عضلات الجزع بالتالى فى المقام الاول لازم نقوى عضلات الجزع
كالتالى
اول تمرين هنيم الطفل بهذه الوضعيه و اخليه يرفع وسطه لفوق و يثبت ٥ ثوانى و ينزل بالراحه فى خلال ال٥ ثوانى دول اخلى لعبه او اى شئ يعبر من تحت الطفل لزيادة تفاعل الطفل
ضرورى جدا لان الغلطه دى كتير من اهالى الاطفال بيقعوا فيها و هى انه يرفع وسط الطفل بنفسه كده انت اللى بتقوم بالمجهود و التمرين فى الوضع دا ملوش اى لازمه ممكن انت تدفع الطفل و هو يحاول يكمل الحركه
تانى تمرين هو تمرين البطن
تمرين البطن مجازا ممكن يتقسم لعضلات بطن علويه و سفليه
تمرين البطن العلوى ببساطه انه يبقى نايم و يحاول يقعد و يفضل لا يمسك اى شئ بيده و السفليه ينام على ظهره و يحاول بعضلات بطنه يشد عضلات رجليه ناحية صدره و طبعا نفس الكلام ما ينفعش حضرتك ترفع رجليه لازم هو يحاول بنفسه و لو صعب تساعده مساعده جزئيه
تالت حاجه هى تمرينات تصحيح الوضع posture correction exercise
ز دى مممن نعملها لطفل من اول مرحلة الجلوس و هى كالاتى
هخلى الطفل يقعد فى الوضعيه المريحه اللى هو بيقعدها ثم يفرد ظهره مره واحده بشكل زايد عن الطبيعي و يثبت فى الوضعيه دى ١٠ ثوانى ثم يريح تريحه مش كامله اللى هو يرجع للوضع المثالى او الوضع الطبيعي للظهر المفرود
و نكررها ٣٠ مره يوميا
طبعا مننساش نعمل اشتراك و نفعل ذر الجرس علشان نستفاد اكبر استفاده من القناه
و ننضم لجروب عالج طفلك بالمنزل على الفيس بوك اللى عليه كل فيديوهاتنا السابقه و بنجاوب على اسئلتكم فيه اول باول
ويا ريت تدعمونا بلايك لصفحة المركز على الفيس بوك لو حسيتوا انكم فعلا استفدتم من القناه
شكرا لكم و السلام عليكم و رحمة الله و بركاته

العلاج الوقائى لمنع انحراف العمود الفقرى,
العلاج الوقائى لمنع انحراف العمود الفقرى الجنف,
جنف العمود الفقرى,
جنف,
الجنف,
علاج الجنف,
علاج الجنف عند الاطفال,
علاج الانحراف الجانبى ( الجنف),
علاج الانحراف الجانبى ( الجنف) عند الاطفال,
العلاج الوقائى لانحراف العمود الفقرى,
العلاج الوقائى لانحراف العمود الفقرى الجانبي,
علاج الانحراف البسيط,
علاج انحراف العمود الفقري البسيط,
علاج اعوجاج العمود الفقرى بشكل فعال,
الحل الامثل لمنع زيادة انحراف العمود الفقرى,
فقرى,
اعوجاج,