#لاتنسى_الاشتراك_تفعيل_الجرس
ان شاء الله فى الفيديو بتاع النهاردة هنتكلم معاكم عن موضوع مهم جدا لزراعة البصل من الشتلات واللى هو مقاومة الحشائش فى البصل
نقول بسم الله والصلاة والسلام على رسول الله صل الله عليه وسلم
طالما انت وصلت للفيديو بتاعنا اتمنى انك تكمل الفيديو للاخر وان شاء الله هتستفاد منه طبعا وانت بتشوف الفيديو دلوقتى اعمل لايك واشترك فى القناه وفعل الجرس وكمل مشاهدة للاخر
من المعروف اننا فى مصر معظم ارضينا بيطلع فيها حشائش كتير جدا وبتبقى شغلنا الشاغل فى كل المحاصيل الزراعية
طبعا مقومة الحشائش فى البصل موضوع مهم جدا وهنقسم الفيديو عدة مراحل
اول حاجة ايه هى الحشائش التى تظهر فى محصول البصل
تنقسم الحشائش التى تنبت فى محصول البصل الى
1- حشائش عريضة الاوراق ومنها السلق والسريس والجعضيض والعليق
2- حشائش رفيعة الاوراق ومنها والزمير والصامه وديل القط والسعد
تانى حاجة كيفية مقاومة الحشائش فى البصل
تنقسم مقاومة الحشائش فى البصل الى قسمين
القسم الاول واللى هو المكافحة اليدوية
وانا بصراحه فى البصل خصوصا يفضل المكافحة اليدوية واللى هى بتجيب انفار وتنقى الحشائش باستعمال العوكات والفوس منها بتنقى العفش ومنها بتخربش الارض حولين البصل وبتسد مسام التربة ووكدة البصل بتتدفى وبتكون النقاوة دى بعد رية الزراعة وتكرر النقاوة بعد الرية التانية والثالثة ووكده كده مفيش شغل فى الشتاء قد كده فاحنا نسلى فى نقاوة العفش والحشائش فى البصل
اما بقى الطريقة الكيماوية واللى عن طريق الرش
ممكن ترش مبيدات على الشراقى بعد التخطيط وبعدها بتروى زى الامكس او الجول
ولو ظهرت الحشائش بعد الشتلات بترش بعد 21 يوم من الشتله
هترش مبيد فيوزيليد سوبر للحشائش الرفيعة بمعدا 75 سم لكل 20 لتر ميه وممكن جالنت سوبر وممكن بردو سلكت
وهترش مبيد بازجران للحشائش عريضة الاوراق بمعدل 750 سم للفدان او جول او الرول بمعدل 40 سم لكل 20 لتر ميه عبوة ماتور الضهر
وطبعا فيه مبيدات تانية كتير المهم تجيب من حد ثقه ولو رشيت مكان مترجعش تعيد عليه تانى عشان التركيز العالى من مبيدات الحشائش ممكن يزعل البصل
ونصيحه اخيرة لو خايف من رش المبيدات للبصل نقى بايدك وكن حذر جدا فى استخدام مبيدات الحاشئش متزوتش الكمية وتقول هزود شوية عشان العفش يموت بسرعه لا انت كده هتموت العفش والبصل كل حاجه وليه مقدار وكمية معينة بلاش شغل اليامة ده
احنا كدة خلصنا الفيديو بتاعنا طبعا لو عجبك الفيديو اعمل لايك واكتب لنا تعليق واى استفسار اكتبه فى التعليقات
اتمنى ان اكون وصلت المعلومة وجزاكم الله خير ورزقنى الله واياكم
لو عجبك الفيديو اعمل مشاركة الفيديو عشان يوصل لأكبر عدد من إخوتنا الفلاحين
انتظرونا في الفيديو القادم إن شاء الله