#لاتنسى_الاشتراك_تفعيل_الجرس
تجهيز الارض لزراعة البصل من الشتلات وانواع البصل ومواعيد زراعة البصل والكمية للفدان من الشتلات
اسال الله العلى العظيم ان يبعد عنا الضرر وعن بلدنا مصر الحبيبة وارفع عنا ياربنا اللوباء والبلاء
ان شاء الله هتكلم معاكم عن زراعة البصل من الشتلات وده الفيديو الاول وهنتكلم فيه
اول حاجه تجهيز الارض
نحن نقوم بحرث الارض التى سوف نزرعها بصل حرث كويس فك وتنى وبعد الحرث نقوم بتخطيطها وكل فلاح اللى حابب يخطط ارضة زى ماهو عايز عايز تعملها خطوط او مساطب دى حاجه ترجعلك انت ممكن تعمل الخط 30 سم والمسطبه من50الى 80 سم
والحاجه المهمة جدا يكون التخطيط من قبلى لبحرى من الشمال الى الجنوب وده عشان الشتلات كلها تتعرض لاشعة الشمس فى وقت واحد وبالتساوى
ويفضل وضع من6 شكاير الى 10 شكاير سوبر فوسفات محبب بعد التخطيط وقبل رية الزراعة ويفضل وضع سباخ بلدى
ويجب عدم زراعة البصل فى نفس الارض كل سنه عشان ده يجعل البصل معرض للاصابه بالعفن الابيض فيجب على الاقل تغير مكان زراعة البصل كل سنتين
طبعا البصل ممكن تزرعة فى ارض سمراء وارض صفراء وارض رملية
تانى حاجه انواع البصل ومميزات كل نوع وبينزرع فين
1- جيزة 6 محسن يزرع فقط فى الوجه القبلى وفى العروة الشتوى فقط وابصاله لونها اصفر دهبى وشكلها مبطط ويمتاز بجودة التخزين ويصدر الى جميع بلاد العالم ولايصلح زراعته فى الوجه البحرى
2- جيزة 20 يزرع فى الوجه البحرى والقبلى ويزرع شتوى وصيفى ويمتاز بوفرة المحصول والجودة الفائقة فى التخزين ويصدر ايضا
3- جيزة احمر ابصاله صلبه ولونها احمر غامق ويخزن لمدة 8 شهور ويزرع فى الوجه البحرى والجيزة وبنى سويف والفيوم
4- جيزة ابيض ابصاله صلبه ولون القشرة ابيض ويخزن لمدة 9 شهور ويزرع فى الوجه البحرى والقبلى ويصدر بردو
5- شندويل1 يزرع فى الوجه القبلى فقط ومبكر النطج قبل جيزة 6 بحوالى اسبوعين وبصلته لونها اصفر وشكلها مبطط ويصدر ايضا

تالت حاجه مواعيد زراعة البصل من الشتلات
يزرع فى الوجه القبلى من اول نوفمبر لنهاية ديمسبر
ويزرع فى الوجه البحرى من اول شهر 12 لنهاية شهر 1 وممكن لنص شهر 2
اخر حاجه الكمية المطلوبه من الشتلات لزراعة الفدان
يحتاج الفدان من 16 قصبه حتى 30 قصبة وده حسب تقل او خفية المشتل وبردو حسب كيفية زراعتك لارضك سواء خطوط او مساطب وهتقل الزراعة او هتخففها
انا كده خلصت الفيديو بتاع النهاردة بس لسه فيه حاجات كتير عن زراعة البصل هنتكلم عنها فى فيديوهات قادمة
لو عجبك الفيديو اعمل مشاركة الفيديو عشان يوصل لأكبر عدد من إخوتنا الفلاحين
انتظرونا في الفيديو القادم إن شاء الله