#لاتنسى_الاشتراك_تفعيل_الجرس
الحفار والدودة القارضة فى محصول االقمح وفى اى محصول اخر وكيفية القضاء عليها
ان شاء الله النهاردة هتكلم معاكم عن موضوع فى غاية الخطورة على محصول القمح واللى هو الحفار اللى كلب البحر العادى والدودة القارضة
قبل مانتكلم
اول حاجه كده نتعرف ايه هما الحفار والدودة القارضة
ايه هو الحفار ده اللى هو كلب البحر العادى يعتبر من اهم افات البادرات يعنى فى بداية اى محصول ويصيب كثير من المحاصيل الشتوية وايضا الصيفية مثل القمحوالشعير والفول والبرسيم والبطاطس والبنجر والقطن والذرة والفلفل والبتجنان والطماطم وبيعيش الحفار ده داخل انفاق فى الارض وليه نوعين من الانفاق النوع الاول انفاق تغذية ودى بتكون اسفل سطح الارض بقليل وتظهر هذه الانفاق فى الارض الرطبه اما النوع التانى من الانفاق يمتد لاسفل من سطح التربة ممكن يصل لعمق 20 سم فى المتوسط وده بيعملة الحفار عشان يخزن الاكل بتاعه او لوضع البيض وعيلة الصغيرين بيخليهم فى النفق ده لحد مايكبروا ويطلعوا بعد كده يكلوا الزرع بتعنا
اما الدودة القارضة هى تعتبر بردو من افات البادرات وبردو بيصيب المحاصيل الشتوية والصيفية اللى قولنا من شوية
الحفار بيعمل ايه والدودة القارضة بتعمل ايه
الحفار بيعمل عملية قرض للجذور تحت التربة وتتغذى على الجذور البادرات للمحاصيل واحيانا بتاكل الثمار القريبة من الارض زى الطماطم والكوسة والخيار كده يعنى
والدودة القارضة بتعمل ايه بقى بتقص النبات سواء قمح او فول او اى نبات اخر من فوق سطح التربة او من اعلى شوية ولما بتقرض النبات وتحشه خالص تتطلع تاكل الورق الاخضر اللى بتقطعه واكبر مشلكلة للدودة دى فى يوم وليلة ممكن تلاقى نسبة الاصابة كبيرة فى الارض وعشان تفرق بين الدودة القارضة والحفار ابقى بص تحت العود المقروض لو لاقيته من على السطح والجدر زى ماهو تلقى دودة قارضة لاقيت الجدر متاكل يبقى المعلم الكبير الحفار
طيب نكافح الحفار والدودة القارضة ازاى
فيه حاجات مبتتعمل قبل الزراعةلتفادى الحاجات دى
1- الرث والخدمة الجيدة للارض ده بيساعد على قتل بعض الحشرات تحت الارض
2- كثرة السماد البلدى عن الحد الطبيعى
3- التخلص من الحشائش عشان بتكون ماوى للحشرات
4- لو لارض انت عارف انها فيها الحاجات دى املها بالمية لمدة يومين
5- وبردو الارض لو عارف انها فيها حفار ودودة قارضة بتحط صفيحة جاز يعنى 20 لتر سولار
طبعا الحاجات بتكون قبل الزراعة
طيب احنا زرعنا وعندى اصابات فى الارض اعمل ايه هقولك ياسيدى
طبعا الطريقة والمكافحة دى للحفار والدودة القارضة
اللى هى المكافحة الكيماوية
ودى بتكون عن طريق طعوم سامه يعنى بعمل طعم سام وبقدمه للحشرة وبحط الطعم ده بدير او سرسبه فالارض المصابة بالحفار او الدودة القارضة
طيب الطعم بيتكون من ايه طعم هقولكم الكمية للفدان وانت بقى تقلل او تزود حسب المساحة اللى عندك
بيتكون الطعم السام ده من1- 15 كيلو ردة او سرسة وكلنا عارفين الردة والسرسة
2-كيلو عسل اسمر
3 وفيه كذا مبيد هقولكم بعض منها مبيد دورسبان 1.25 لتر ومبيد كلورو بيروفوس بمعدل لتر للفدان وفيه مبيدات تانية كتير اهم حاجه يكون المبيد فيه سم معدى وبتجيب الكمية المناسبة للمساحة اللى عندك طبعا بتحط الحاجات دى كلها على بعضها فى 15 لتر ميه وتخلطهم على بعض كويس وتسيبهم لما يخمروا وبعد كده تبدرهم او تسرسبهم فى الارض المصابة قبل المغرب مع الغروب كده طبعا الحفار والدودة القارضة بتطلع تاكل من الطعم ده بتجى ميته بعدها على طول ان شاء الله
يارب اكون وصلت المعلومه
طبعا لو عجبك الفيديو اعمل مشاركة الفيديو
انتظرونا في الفيديو القادم إن شاء الله