القصبه الهوائيه بتتفرع لشعبتين اساسيين .او للدقه اكتر اسمهم الشعبتين الاوليين.
Mainstem. Primary bronchi
بحيث كل شعبه منهم تدخل الرئه الخاصه بيها .
ومكان انقسام القصبه الهوائيه بيطلق عليه اسم
Carina .
واللي بيكون تقريبا عند مستوي الفقره الظهريه الخامسه t5 .
ولو حبينا نعمل مقارنه سريعه بين الشعبتين . فاحنا هنلاحظ ان الشعبه الرئيسيه اليمني اوسع ، واقصر . وعاموديه اكتر .
يبقي ال
Right main bronchus.
Wider. Shorter. And more vertical .
بينما ال
Left main broncus .
Narrower, longer. And more horizontal than the right.
بعد دخول الشعبه الهوائيه الاوليه سره الرئه بتبدأ تنقسم لشعيبات ثانويه او شعيبات فصيه .
Secondary or lober bronchi .
والشعيبات الثانويه بتبقي مماثله لفصوص كل رئه .
بمعني ان الرئه اليمني بتتكون من ٣ فصوص . فبالتالي الشعبه الهوائيه الرئيسيه اليمني. بتتقسم ل ٣ شعب ثانويه .
Superior. Middle. Inferior
والرئه اليسري بتتكون من فصين فبالتالي الشعبه الهوائيه الرئيسيه اليسري بتتقسم لشعبتين بس ثانويتين.
Superior. Inferior .