العصب الدماغي الثاني :-
هو العصب البصري
Optic nerve (CN ll)
هو عصب حسي دوره انه ينقل الإشارات البصريه للمخ ، يعني هو اللي مسؤول عن وظيفه البصر .
طيب من حيث المكان ف
خلايا العصب البصري بتنشأ من شبكيه العين ، اللي هي
Retina
وتتجمع مع بعضها في صوره ألياف في الإتجاه الخلفي للعين ،
بعد كدا بتتحد الألياف دي علشان تكون عصب كبير هو عصب العين
Optic nerve
والذي يمر من قناه العين
Optic canal
الموجودة في ال
Sphenoid bone
علشان يتجه للحفره الدماغيه الوسطي
Middle cranial fossa
فيتحد كل عصب مع قرينه من الجانب الآخر داخل التقاطع البصري اللي هو
Optic chiasm
بحيث يحدث تبادل للألياف الداخلية لشبكيه العين فتنتقل الي الإتجاه الاخر بينما تظل الألياف الخارجيه في نفس مسارها ،
وسبحان الله التقاطع للألياف الداخلية من كل عصب بيوضحلنا ازاي بيحصل ربط أو تكافؤ بين العينين مع بعض في نظره واحده ،
بعد كدا يمتد عصب البصر خلف التقاطع البصري علي شكل احزمه عصبيه
Optic tracts.
لحد ما يوصل للجزء الخلفي والخارجي من ال
Thalamus
اللي هو
Lateral geniculate body of the thalamus.
وبعدين بيمتد عصب البصر من ال
Thalamus
علي شكل axons محاور عصبيه مكونه شعاعات بصريه
Optic radiations
لحد ما يوصل لل
Visual cortex
القشره البصريه أو المنطقة المسؤله عن البصر في فص المخ الخلفي
Occipital lobe .

#مختصر_التشريح
#المختصر_المفيد
Ahmed sherif