في الجزء السابع من الكورس هنتكلم عن الجهاز العصبي اللي هو
Nervous system
هناخد جوله سريعه في مكوناته ونطلع منهم اشهر المصطلحات الطبيه الخاصة بمكونات الجهاز العصبي .بس الاول افكركم بقوانين لعبه المكعبات اللي ماششين عليها من اول الكورس وهي أن أي مصطلح طبي بيتكون من جزئين او ٣ اجزاء . الجزء الاول هو البادئه أو البريفيكس ، والجزء الثاني اللي هو الروت أو الاصل والجزء التالت والاخير اللي هو الناهيه أو السافيكس .
زي مثلا مصطلح electroencephalogram
اللي اختصاره EEG
المصطلح دا مكون من ٣ اجزاء
وهما كالاتي ، الجزء الاول او البادئه هو electro
يعني كهربي ، والجزء الثاني او الروت هو encephalo يعني المخ .
والجزء التالت أو الناهيه هو gram ومعناه مخطط ، يبقي المصطلح
Electroencephalogram
يعني تخطيط كهربي للمخ .
نيجي بعد كدا لمكونات الجهاز العصبي .
الجهاز العصبي منقسم لجزئين .
الجزء الاول هو ال cns يعني
Central nervous system
الجهاز العصبي المركزي ، ودا مكون من المخ والحبل الشوكي .
والجزء الثاني هو ال pns يعني
Peripheral nervous system
الجهاز العصبي الطرفي ، ودا مكون من الاعصاب والعقد العصبيه .
اول حاجه معانا في ال central nervous system
هو المخ .
المخ هو جزء من الدماغ ككل .
الدماغ أو ال head الروت منه هيبقي
Cephal /o
زي مصطح cephalgia يعني
Headache
أو pain in the head اللي هو صداع .
ومصطلح cephalometry يعني
Measurement of the head
اللي هو قياسات الدماغ .
وبما أن المخ جزء من الدماغ وداخله
إذا الروت من المخ أو ال brain هيبقي
Encephal /o
زي مصطلح encephalitis
يعني inflammation of the brain
اللي هو التهاب المخ .
ومصطلح زي encephalomalacia
و malacia هي سافيكس معناه تلين في عضو أو نسيج أو
softening of organ or tissue
‏فيبقي مصطلح
‏encephalomalacia
‏يعني
‏softening of the brain
‏اللي هو تلين في خلايا المخ .
أما النخاع الشوكي أو ال spinal cord
الروت منه هيبقي myel /o
زي مصطلح myelography يعني
Radiographic examination of the spinal cord
اللي هو فحص النخاع الشوكي
والمخ والنخاع الشوكي محاطين ب ٣ اغشيه يطلق عليهم اسم الاغشيه السحائيه أو meninges
والروت منهم هيبقي
mening /o/ i
زي مصطلح meningioma أو من غير ال i خالص هتبقي meningoma يعني
Tumer of the protective membranes that surrounds the brain and spinal cord .
اللي هو ورم في الاغشيه المحيطة بالمخ والنخاع الشوكي.
لو بصينا بقي علي ال pns
عندنا مثلا العصب أو ال nerve
الروت منه هيبقي / neur / o
زي مصطلح neuropathy
يعني disease of nerves
زي ضمور أو شلل وظيفي ف عصب من الاعصاب الطرفيه
ومصطلح neuritis يعني
Inflammation of the nerve
يعني التهاب العصب .
نيجي بعد كدا للعقد أو الكتل العصبيه واللي اسمها ganglia
وهي عباره عن تجمع من اجسام للخلايا خارج المخ .
الروت منها هيبقي
Gangli /o
أو
Ganglion/o
زي مصطلح
Ganglionitis
يعني inflammation of the ganglion
اللي هو التهاب العقده .
وبكدا نبقي خلصنا معظم الروتس اللي في الجهاز العصبي،
بس نحب نضيف معظم المصطلحات الطبيه الخاصة بالجهاز العصبي .
زي مثلا ال سافيكس
Plegia
معناه شلل
فلو ضيفناله البريفيكس mono
واللي معناه أحادي ، فيبقي monoplegia يعني شلل أحادي
أو هيمي اللي معناه نصفي
فيبقي hemiplegia يعني شلل نصفي
أو quadri اللي معناه رباعي
فيبقي quadriplegia يعني شلل رباعي .
وبكدا نبقي خلصنا الجزء السابع من كورس المصطلحات الطبيه.
من قناه المختصر المفيد ، شكرا لمتابعتكم.
‏#كورس_المصطلحات_الطبيه
#المختصر_المفيد
Ahmed sherif