#تعليم_مهنة_تصفيف_الشعر #صبغ_الشعر #قص_الشعر #تسريح_الشعر #عناية_بالشعر
#arabhairacademy #ramiaounhairdresser #تعلم_مع_رامي

مساء الخير انا رامي مزين شعر نسائي من أكتر من 17 سنة محمس كتير لأتشارك أنا وياكن خبرتي والمعلومات يلي اكتسبتها
بالصالونات.

مع انواع الشعر لي مرقت عليي والاخطاء لي وقعت فيا وتعلمت منها واكيد مع مواكبتي لآخر صيحات الموضة حضرتلكن مواضيع ومعلومات كتير مهمة رح اتناولها انا وياكن عبر قناة ارب هير اكاديمي.

اكتر من 50 فيديو صاروا موجودين على قناة ارب هير اكاديمي تحت تصرفكن بيتناولو مواضيع عن صبغ الشعر, القص, التسريحات العصرية واخر صيحات موضة الشعر.
واكيد ما نسيت الصبايا والسيدات بعالمنا العربي وحضرتلكن مواضيع كتير مهمة عن كيفية العناية بالشعر لتحصلي على اجمل اطلالة كل يوم.

فلكل مبتدء او محترف لاقى شغفو بمهنة تزيين الشعر وحابب يبلش من الصفر او ينمى خبراتوا هيدي القناة لالكن مواضيعنا متنوعة وبتناسب كل الفئات يلي بدها تتعلم هل مهنة.
لان بعرف كتير منيح اديش صعبه ومربكه الانطلاق بعالم تزيين الشعر قصمتلكن المواضيع بطريقة تستوعبوها فكل يلي بدي ياه منكم المثابرة الجهد وتخصيص الوقت الكافي للتعلم!

فشو بعدكن ناطرين؟
فوتوا على القناة عملو سبسكرايب وفعلوا زر الجرس واكتشفو المحتوى لي رح يغيرلكن حياتكن المهنية ويساعدكن نحو النجاح!
وتحت كل فيديو لو عندكن اي استفسار حابين تسألوني ياه ما تترددوا وانا عطول جاهز لكون عم رد عليكن عكل الأسئلة.

بالأخير بدي اشكركن على وقتكن, ناطر تفاعلكن بالقناة, كونوا كتار