الفترة الأخيرة كنت بدرس فيها أزاي تقدر تستغل المنافسة في مجال العمل الحر علي المواقع المختلفة وتحول المنافسة دي لمصلحتك أنت عشان تقدر تجيب شغل مستمر ليك بإذن الله.

بعد ما نزلت ٤ فرص شغل مختلفة علي موقع أبوورك، قدم عليهم أكتر من ١٢٠ فريلانسر مختلف، وعاوز أقولك أن من ال ١٢٠ واحد كان فقط منهم حوالي ١٠ فريلانسر بس اللي شدوا انتباهي، فإزاي تقدر تجذب أنتباه العميل ليك؟ وأزاي تجيب أول وظيفة أونلاين؟ وأزاي تستمر في أنك تلاقي شغل مستمر علي مواقع زي ابوورك وفريلانسر وفايفر .. ده اللي هنشرحه بإذن الله في الفيديو ده.. فركز معايا

.

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن