دي المحاضرة الأولي من كورس بسيط للفريلانس للمبتدئين من تقديم "زاه أكاديمي" ومتشكر ليهم أنهم أختاروني عشان أقدم الكورس ده

المحاضرة دي هي محاضرة تعريفية كمدخل فى مجال العمل الحر, هنشرح فيها سوا فى كورس تفاعلي ايه هي المزايا والعيوب للمجال ده, وأزاي تشتغل كفريلانسر فى مواقع العمل الحر المختلفة, وايه هي المشاكل اللي بتواجه معظم الناس فى مواقع العمل الحر زي خمسات وأبوورك وفريلانس, وهنشرح الفرق بين المواقع زي شرح لأبوورك وشرح لفايفر, وأزاي تقدر تجيب عملا ليك

الكورس ده كان أونلاين من تقديم "زاه أكاديمي" وأنا كنت جزء فيه الحمد لله, أتمني أنه يفيد الناس وتعرف أكتر عن مجال العمل الحر وفرص الشغل من البيت من خلاله.

بالتوفيق ليكم جميعا, ومتنسوش تشوفوا المحاضرة التانية للكورس ده.


About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey