تقدر تشوف المحاضرة الأولي " وهي عبارة عن مدخل ليك فى عالم الفري لانس, ونصايح عشان تتفوق فيه" من هنا:
https://youtu.be/jyruz3Vp1Wg

في الفيديو ده هنشرح موقع خمسات وموقع مستقل للعمل الحر, وأزاي تتفوق عليهم وتنجح, هنشرح أزاي تعمل أكونت علي خمسات, وأزاي تربطه بموقع مستقل.. وهنشوف أزاي تعمل خدمات على مواقع العمل الحر. وأزاي العميل بيختار الناس اللي مقدمة ليه على الموقع.

الكورس ده كان أونلاين من تقديم "زاه أكاديمي" وأنا كنت جزء فيه الحمد لله, أتمني أنه يفيد الناس وتعرف أكتر عن مجال العمل الحر وفرص الشغل من البيت من خلاله. والربح من الانترنت



About me:

فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.

الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير


أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.

فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^


#Freelancing #فري_لانسنج #Sebaey