الفري لانسنج أو الربح من الانترنت بصيغة عامة عمره ما كان شيئ سحري بتدخل تسجّل عليه وتلاقي الشغل بيتحدّف عليك من كل مكان, ويقولولك تعالي أقبض معانا ملايين الفلوس من الانترنت وبالدولار عشان تستقل ماديا وتسيب وظيفتك وتبقي ملك زمانك.

أنا دايما معارض لمفهوم الاشتغالات اللي للأسف كتير من الناس بتحاول توصلها للي لسه هيبدأ طريقه فى مواقع الفريلانسنج, وده بيبقي سبب عظيم لإحباط كتير منهم أول ما بيبدأ. لأنهم وصلهم مفهوم خاطئ تماما من عناوين بتقولك (أشتغل لمدة ساعة واحدة من المنزل واربح 100 دولار) وطبعا مش بيلاقوا ده نهائي, وكتير بيطلع عينه فى الاول, فمبيكملش.. وعشان أصدقك القول.. المبالغ دي ممكنة مش مستحيلة, أنا هوريك ناس كسبت ملايين الدولارات من مواقع العمل الحر بالفعل, بس ده مش ليك, مش في بدايتك, مش هدفك حاليا, مش ده الطبيعي, ده النادر, والطريق فى المجال ده محتاج منك بحث وتطوير دايما عشان تنافس الاف من الناس غيرك, الاف من كل أنحاء العالم اتجمعوا فى منصة قوية تنافسية.. وده اللي هأكده أكتر من مرة فى السلسلة دي

مواقع العمل الحر والفريلانسنج هي مواقع فى دول بتعتمد عليها كمصدر دخل لمواطنين ليها, فأكيد لازم تدرك مقدار المجال ده.

فلو ناوي تكمل, من فضلك أعتبر المجال ده شغل. وأديه جزء من وقتك, ولو جزء فرعي ساعة واحدة يوميا للبحث والتطوير..

وبإذن الله هحاول أني أشرح كل شيئ أتعلمته فى رحلتي فى خلال ال 5 سنين كفريلانسر, وتجربتي الحقيقية والكاملة للربح من الانترنت على مواقع الفريلانسنج

نبدأ بسـم الله في الفيديو التعريفي للسلسلة دي

#Freelancing #فري_لانسنج #Sebaey