كتير مننا بيبقي محتار هو المفروض يخلي سعره كام فى بداياته فى مواقع العمل الحر والفري لانسينج! حتي بعد ما بيبقوا عندهم خبرة, احيانا الدنيا بتقف ومش بيبقوا عارفين هل السبب هو سعرهم؟ ولا مشكلة تانية فى الاكونت الخاص بيهم؟
وعشان كده, فى الفيديو ده هنشوف مع بعض بإذن الله بصورة سريعة المفروض سعر ساعتك يبقي كام على مواقع العمل الحر... وهل صح انك تسمع كلام اللي بيقولك انه المفروض ترخّص من سعر ساعتك ومن سعرك عموما فى الاول عشان تكون بورتفوليو قوي وتقدر تجيب عملا تانيين وتشتغل من البيت فى مواقع الفريلانسينج وتقدر تكون أعمال تشد عملا أكتر؟
دي معلومة مهم أنكم تعرفوها من دلوقتي وتتبعوها من بدري.
مشاهدة مثمرة, ومتنساش نفسك بدعوة, وافتكرني معاك ^^
---------------------
About me:
فى 2016 كانت بدايتي فى مواقع العمل الحر على الانترنت, كنت قبلها سمعت عن فرص متاحة لـ الربح من الانترنت والعمل على الانترنت بالدولار وغيره من الكلام الكتير التشويقي, وان كان فى وطنّا العربي ده مكنش مشهور بقوة وقتها.. بس قررت أني أدخل مجال الفريلانس وأخوض تجربتي بنفسي.
الحقيقة أنها كانت تجربة شاقة مليئة بمحطات كتير فى حياتي, فمن فضلك متسمعش لكلام أي حد يقولك ان العمل من البيت هو شيئ سهل وبمزاجك وفى أي وقت, أنا مش جاي أحبطك, بالعكس.. جاي أساعدك فى أولي خطوات المجال ده.. وأعرفّك أنك لو عاوز تكمّل فيه وتتميز بإذن الله, فلازم تعتبره شغل, شغل محتاج بحث وتركيز وتطوير كتير
أتمني أني أقدر ولو بنسبة بسيطة أني أغير من مفهوم ناس كتير عن مجال ال Freelancing, وأني أشرح كل حاجة أتعلمتها فى المجال ده بالتفصيل, وبإذن الله مش هبخل بأي معلومة مرّت عليا.
فى النهاية, لو أستفدت أي معلومة.. فأدعي أن ربنا يكرمك بخير المعلومة دي, وأدعيلي معاك. ^^
#Freelancing #فري_لانسنج #Sebaey